皇家金边大学参与五角战略监测与评估研讨会

សិក្ខាសាលា ចែករំលែកចំណេះដឹង ស្តីពីការពង្រឹងផ្នែកតាមដាន និងវាយតម្លៃយុទ្ធសាស្ត្របញ្ចកោណដំណាក់កាលទី១ កាលពីថ្ងៃសុក្រ ១រោច ខែចេត្រ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី៣ ខែមេសា ឆ្នាំ២០២៦ បណ្ឌិតធួន ទ្រី មកពីដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព បានចូលរួមពិភាក្សានិង ផ្តល់ធាតុចូល នៅក្នុងការសិក្សា ស្តីពីការពង្រឹងផ្នែកតាមដាន និងវាយតម្លៃ នៃយុទ្ធសាស្ត្របញ្ចកោណដំណាក់កាលទី១ ដែលផ្តោតលើ កំណើន ការងារ សមធម៌ ប្រសិទ្ធភាព និងចីរភាព។ ឯកឧត្តម ឡៅ ប៉ូលីវេត អនុរដ្ឋលេខាធិការ និងជាអគ្គនាយករងទទួលបន្ទុក ផ្នែកតាមដាន និងវាយតម្លៃ យុទ្ធសាស្ត្របញ្ចកោណដំណាក់កាលទី១ (GS-CME-PS1) នៃទីស្តីការគណៈរដ្ឋមន្រ្តី បានធ្វើការចែករំលែកចំណេះដឹង ស្តីពីក្របខណ្ឌតាមដាន និងវាយតម្លៃ នៃយុទ្ធសាស្ត្របញ្ចកោណ ដែលរួមមានមុំ៥ និងសូចនាករសមិទ្ធកម្មគន្លឹះ (KPIs)សរុបចំនួន៣៩ ចែកជា២ផ្នែក រួមមាន៖ កំណែទម្រង់ និងយុទ្ធសាស្ត្រ។ សិក្ខាសាលា នេះ រៀបចំឡើងដោយកម្មវិធីពន្លកចំណេះដំណាក់កាលទី២ (ទិន្នន័យ និងកិច្ចសន្ទនាដើម្បីអភិវឌ្ឍន៍) ក្រោមហិរញប្បទានពី Australian’s Department of Foreign Affairs and Trade (DFAT) តាមរយៈមូលនិធីអាស៊ី ។ #dsupd #RUPP #មហាវិទ្យាល័យសិក្សាអភិវឌ្ឍន៍ គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)