柬埔寨纪念边境冲突一周年 强调维护国家主权与和平

គម្រប់១ឆ្នាំ នៃព្រឹត្តិការណ៍នៅតំបន់មុំបី ថ្ងៃ២៨ ឧសភា ២០២៥ ជាថ្ងៃដែលលោកព្រឹន្ទបាលឯក សួន រ៉ោន បានពលីក្នុងហេតុការណ៍ប៉ះទង្គិចរវាងកងទ័ពកម្ពុជា និងកងទ័ពថៃ នៅព្រំដែនតំបន់មុំបី នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ។ តើកម្ពុជាបានរៀនសូត្រមេរៀនអ្វីខ្លះពីព្រឹត្តិការណ៍នៅតំបន់មុំបី ថ្ងៃ២៨ ឧសភា ២០២៥? លោកបណ្ឌិត ឈត ប៊ុនថង អ្នកតាមដានកិច្ចការសង្គម បានថ្លែងចាត់ទុក ព្រឹត្តិការណ៍ថ្ងៃ២៨ ឧសភា ២០២៥ មិនមែនត្រឹមតែជាការផ្ទុះអាវុធរវាងគ្នាប៉ុណ្ណោះទេ តែជាការម្លឹកដល់ប្រជាពលរដ្ឋខ្មែរគ្រប់រូបអំពីតម្លៃសន្តិភាព និងបូរណភាពទឹកដី ហើយលោកបណ្ឌិតបន្តថា ដើម្បីការពារទឹកដី ការពារសន្តិភាព គឺត្រូវការលះបង់អាយុជីវិត បូជាសាច់ស្រស់ ឈាមស្រស់ ដើម្បីបុព្វហេតុការពារជាតិមាតុភូមិ។