内政部辟谣泰媒失实报道 否认延迟遣返635名泰国公民

ក្រសួងមហាផ្ទៃ បដិសេធការចេញផ្សាយរបស់សារព័ត៌មានថៃ ពាក់ព័ន្ធការបញ្ជូនពលរដ្ឋ ៦៣៥នាក់ ក្រសួងមហាផ្ទៃកម្ពុជា នៅថ្ងៃទី៣០ ខែមេសា ឆ្នាំ២០២៦ បានចេញសេចក្តីបំភ្លឺ បដិសេធយ៉ាងដាច់អហង្ការ ចំពោះការចុះផ្សាយរបស់សារព័ត៌មានថៃ The Nation និង Khaosod English។ ការបំភ្លឺនេះធ្វើឡើងបន្ទាប់ពីសារព័ត៌មានទាំងពីរ បានចោទប្រកាន់ថា សមត្ថកិច្ចកម្ពុជា ពន្យារពេលក្នុងការបញ្ជូនពលរដ្ឋថៃចំនួន ៦៣៥នាក់ ដែលត្រូវបានឃាត់ខ្លួនក្នុងប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញ។ជាក់ស្តែង ក្រសួងមហាផ្ទៃបានបញ្ជាក់ថា ព័ត៌មានខាងលើគឺមិនត្រឹមត្រូវ និងខ្វះមូលដ្ឋានច្បាស់លាស់ ដែលអាចបង្កការភាន់ច្រឡំដល់សាធារណជនអន្តរជាតិ។ កម្ពុជា ក្នុងនាមជាប្រទេស ជិតខាងល្អ បានគោរពច្បាប់ និងបន្តសហការយ៉ាងជិតស្និទ្ធជាមួយអាជ្ញាធរ និងស្ថានតំណាងរបស់ថៃប្រចាំនៅកម្ពុជា។