柬埔寨司法部召开国家发展战略中期评估会议

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំដើម្បីពិនិត្យ និងពិភាក្សា លើខ្លឹមសាររបាយការណ៍វាយតម្លៃពាក់កណ្តាលអាណត្តិឆ្នាំ២០២៦ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧នៃរដ្ឋសភា ==================== នៅទីស្តីការក្រសួងយុត្តិធម៌៖ នារសៀលថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំដើម្បីពិនិត្យ និងពិភាក្សា លើខ្លឹមសាររបាយការណ៍វាយតម្លៃពាក់កណ្តាលអាណត្តិឆ្នាំ២០២៦ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧នៃរដ្ឋសភា។ កិច្ចប្រជុំនេះ មានគោលបំណងពិនិត្យ ពិភាក្សា លើខ្លឹមសាររបាយការណ៍វាយតម្លៃពាក់កណ្តាលអាណាត្តិឆ្នាំ២០២៦ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) ចំណុះក្រសួងយុត្តិធម៌ជាមួយនឹងថ្នាក់ដឹកនាំដែលពាក់ព័ន្ធ និងប្រធានអង្គភាពចំណុះឱ្យវិស័យយុត្តិធម៌ទាំងអស់ ដើម្បីផ្តល់ធាតុចូលបន្ថែមសម្រាប់ការរៀបចំរបាយការណ៍វាយតម្លៃពាក់កណ្តាលអាណត្តិឆ្នាំ២០២៦ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧នៃរដ្ឋសភា។ កិច្ចប្រជុំខាងលើ មានការអញ្ជើញចូលរួមដោយ រដ្ឋលេខាធិការ/អនុរដ្ឋលេខាធិការ នៃក្រសួងយុត្តិធម៌ តំណាងខុទ្ទកាល័យ អគ្គនាយកនៃគ្រប់អគ្គនាយកដ្ឋានទាំងអស់នៃក្រសួងយុត្តិធម៌ អគ្គលេខាធិការ អគ្គាធិការ ប្រធាននាយកដ្ឋាន ប្រធានលេខាធិការដ្ឋាន និងមន្ត្រីនៃក្រសួងយុត្តិធម៌ សរុបប្រមាណ ៤០រូប។