柬埔寨司法部讨论未成年人司法执行 完善法律保护机制

ឯកឧត្តមបណ្ឌិត គឹម សន្តិភាព រដ្ឋលេខាធិការ ក្រសួងយុត្តិធម៌ បានអញ្ជើញដឹកនាំកិច្ចប្រជុំពិភាក្សាលើការងារអនុវត្តច្បាប់ស្តីពីយុត្តិធម៌អនីតិជនជាមួយប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា ==================== រាជធានីភ្នំពេញ ៖ នៅព្រឹកថ្ងៃទី១០ ខែកក្កដា ឆ្នាំ២០២៦ នាទីស្តីការក្រសួងយុត្តិធម៌ ឯកឧត្តមបណ្ឌិត គឹម សន្តិភាព រដ្ឋលេខាធិការ ក្រសួងយុត្តិធម៌ បានអញ្ជើញដឹកនាំកិច្ចប្រជុំពិភាក្សាការងារជាមួយប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា ដែលដឹកនាំដោយឯកឧត្តម ធូ ស៊ុន រដ្ឋលេខាធិការ លើការងារអនុវត្តច្បាប់ស្តីពីយុត្តិធម៌អនីតិជន។ ​កិច្ចប្រជុំនេះ ភាគីទាំងពីរផ្តោតលើការពិភាក្សានូវចំណុចគន្លឹះមួយចំនួនរួមមាន៖ ការគាំទ្ររបស់ភ្នាក់ងារសង្គមកិច្ចនៅតាមសាលាដំបូងរាជធានី-ខេត្ត, ការបង្កើតក្រុមការងារយុត្តិធម៌អនីតិជន និងការប្រឈមរបស់មណ្ឌលយុវនីតិសម្បទារ ដោយមានការចូលរួមពីថ្នាក់ដឹកនាំ និងមន្ត្រីជំនាញនៃក្រសួងយុត្តិធម៌ និងក្រសួងសង្គមកិច្ច អតីតយុទ្ធជន និងយុវនីតិសម្បទាផងដែរ ។