西港冲欧渔业社区开放水产养殖培训 助力基层经济

សហគមន៍នេសាទចុងអូរ ជាសាលាកសិដ្ឋានវារីវប្បកម្មអនុវត្តនៅវាលជាក់ស្តែង ដែលរៀបចំឡើងដោយមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ សហការជាមួយក្រុមការងារចុះជួយមូលដ្ឋាន និងរដ្ឋបាលខេត្តព្រះសីហនុ ក្នុងគោលបំណងអភិវឌ្ឍការចិញ្ចឹមបង្គា ក្តាម និងត្រី ដើម្បីផ្គត់ផ្គង់ផលសមុទ្រសម្រាប់ឆ្លើយតបនឹងតម្រូវការទីផ្សារ។ ទន្ទឹមនឹងនេះ កសិដ្ឋាននេះក៏ជាកន្លែងសម្រាប់បងប្អូនប្រជាពលរដ្ឋ និងអ្នកចាប់អារម្មណ៍ មកសិក្សា ស្វែងយល់ និងអនុវត្តដោយផ្ទាល់លើជំនាញវារីវប្បកម្មសមុទ្រ ការគ្រប់គ្រងហិរញ្ញវត្ថុ និងទីផ្សារ ដើម្បីយកបទពិសោធន៍ទៅកែលម្អកសិដ្ឋានរបស់ខ្លួនឱ្យមាននិរន្តរភាព និងអាចដំណើរការបានដោយរលូន។ ស្របតាមប្រសាសន៍ដ៏មានអត្ថន័យរបស់សម្តេចតេជោ ហ៊ុន សែន៖ «ស្លឹកត្នោតខ្ចប់ស្ករត្នោត» ដែលសំដៅលើការប្រើប្រាស់សក្តានុពលក្នុងស្រុក នាំចេញនៅនឹងកន្លែង និងគោលនយោបាយរបស់សម្តេចមហាបវធិបតី ហ៊ុន ម៉ាណែត ក្នុងការពង្រឹងសេដ្ឋកិច្ចមូលដ្ឋាន បង្កើតតម្លៃ និងនិរន្តរភាពសម្រាប់សហគមន៍។ #របៀងសេដ្ឋកិច្ចកម្ពុជាតំបន់ឆ្នេរសមុទ្រកម្ពុជា #នាំចេញនៅនឹងកន្លែង #ក្រុមការងាររាជរដ្ឋាភិបាលចុះជួយខេត្តព្រះសីហនុ #ក្រសួងរៀបចំដែនដីនគរូបនីយកម្មនិងសំណង់ #MLMUPC 📸 : កណ្ដៀរ | ២៥រាជធានី-ខេត្ត | ស្រុកព្រៃនប់ [**Join MLMUPC News**](https://t.me/MLMUPCofCambodia)** **🌐 [**Website**](https://mlmupc.gov.kh/)[ ](https://mlmupc.gov.kh/)** **🌐 [**Facebook**](https://www.facebook.com/mlmupc.pressteam)** **🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)