中小企业协调局招聘考试放榜 洪玛尼签批录用名单

លទ្ធផលការប្រឡងប្រជែងជ្រើសរើសមន្ត្រី អ.ស.ត.ម. នឹងត្រូវប្រកាសក្នុងពេលឆាប់ៗនេះ ក្រោយការផ្ទៀងផ្ទាត់តារាងពិន្ទុចុងក្រោយរួចរាល់ នាល្ងាចថ្ងៃទី១៣ ខែវិច្ឆិកា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈមេប្រយោគ បានអញ្ជើញពិនិត្យ និងចុះហត្ថលេខាទទួលស្គាល់បេក្ខជនជាប់ជាស្ថាពរ នៃការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ឱ្យចូលបម្រើការងារនៅអង្គភាពសម្របសម្រួលសហគ្រាសធុនតូចនិងមធ្យម (អ.ស.ត.ម.) ដោយមានការអញ្ជើញចូលរួមពីតំណាងស្ថាប័នសាមី (អង្គភាពសម្របសម្រួលសហគ្រាសធុនតូចនិងមធ្យម) គណៈកម្មការរៀបចំការប្រឡងប្រជែង តំណាងអង្គភាពប្រឆាំងអំពើពុករលួយ និងអ្នកសង្កេតការណ៍ស្ម័គ្រចិត្ត និងអ្នកសារព័ត៌មានជាច្រើនរូប នៅមណ្ឌលប្រឡងសាលាភូមិន្ទរដ្ឋបាល។ ការសម្រេចប្រកាសលទ្ធផលជាប់ជាស្ថាពរក្នុងថ្ងៃតែមួយនេះ បានបង្ហាញពីប្រសិទ្ធភាព និងសុក្រឹតភាពនៃការរៀបចំការប្រឡងប្រជែងរបស់ក្រសួងមុខងារសាធារណៈ ដែលឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។ បញ្ជីឈ្មោះបេក្ខជនជ័យលាភីទាំងអស់ នឹងត្រូវផ្សព្វផ្សាយជាសាធារណៈ លើបណ្តាញព័ត៌មានផ្លូវការរបស់ក្រសួងមុខងារសាធារណៈ នាពេលបន្តិចទៀតនេះ ដើម្បីត្រៀមខ្លួនចូលបម្រើការងារ និងរួមចំណែកអភិវឌ្ឍវិស័យសហគ្រាសធុនតូចនិងមធ្យមនៅកម្ពុជា ប្រកបដោយសមត្ថភាព វិជ្ជាជីវៈ និងការទទួលខុសត្រូវ។ **📲 **[**អានព័ត៌មានលម្អិតនៅលើបណ្ដាញសង្គម**](https://www.facebook.com/share/p/16WGeP3ZC9D/)** 📱Telegram Channel ថ្មី «ប្រឡងមន្ត្រី» ****https://t.me/+erOtVg3U1dk4MGE1**** 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | **[**Website**](https://www.mcs.gov.kh/)[** 🌐 **](https://youtube.com/@MinistryofCivilService)**|**[** Facebook  🌐 **](https://web.facebook.com/CivilServiceCambodia)**|**[** Instagram    🌐 **](https://www.instagram.com/civilservice_cambodia?igsh=MWRrZWIwamh4ZW9uZA==)**|**[** Tiktok 🌐 **](https://www.tiktok.com/@mcsgovernment?)**|**[** Telegram  🌐 **](http://t.me/mcsgovkh)**|**[** YouTube**](https://youtube.com/@MinistryofCivilService)