隆美医院董事会召开会议 筹备9月正式开业

កិច្ចប្រជុំក្រុមប្រឹក្សាភិបាលមន្ទីរពេទ្យ ហ្លួង ម៉ែ លើកទី២ អាណត្តិទី២។ —— រាជធានីភ្នំពេញ៖ ថ្ងៃចន្ទ ទី៣១ ខែសីហា ឆ្នាំ២០២៦ ឯកឧត្តមបណ្ឌិត ង៉ូវ កាង រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាលមន្ទីរពេទ្យ ហ្លួង ម៉ែ បានអញ្ជើញដឹកនាំកិច្ចប្រជុំក្រុមប្រឹក្សាភិបាល លើកទី២ អាណត្តិទី២។ កិច្ចប្រជុំនេះមានគោលបំណងដូចខាងក្រោម៖ ១-ពិនិត្យមើលសកម្មភាព និងវឌ្ឍនភាពការងារ ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការមន្ទីរពេទ្យ ហ្លួង ម៉ែ ដែលគ្រោងនឹងប្រព្រឹត្តទៅនៅក្នុងខែកញ្ញា ២-ពិនិត្យវឌ្ឍនភាពរបស់មន្ទីរពេទ្យ ៣-ពិនិត្យរបាយការណ៍ហិរញ្ញវត្ថុត្រីមាសទី៣ ឆ្នាំ២០២៦ ៤-លើកទិសដៅការងារបន្ត។ ក្នុងឱកាសនោះ ឯកឧត្តមប្រធានក្រុមប្រឹក្សាភិបាល ក៏បានធ្វើការក្រើនរំលឹកដល់ថ្នាក់ដឹកនាំមន្ទីរពេទ្យឱ្យបន្តខិតខំដឹកនាំ និងគ្រប់គ្រងការផ្តល់សេវាសុខាភិបាលជូនប្រជាពលរដ្ឋ ប្រកបដោយគុណភាព សុវត្ថិភាព សមធម៌ និងផ្ដល់សេវាដោយស្នាមញញឹម រួសរាយរាក់ទាក់ជានិច្ច។ កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាភិបាល មន្ត្រីត្រួតពិនិត្យថវិកាប្រចាំមន្ទីរពេទ្យ និងថ្នាក់ដឹកនាំរបស់មន្ទីរពេទ្យ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)