洪森呼吁各级官员关注退伍军人及现役军人家庭福利

នៅព្រឹកថ្ងៃទី១៤ ខែឧសភា ឆ្នាំ២០២៦នេះ ពីលើទឹកដីខេត្តស្វាយរៀង​ ដែនដីសមរភូមិ​កាល​ពីអតីតកាលរបស់កម្ពុជាដែរនោះ សម្តេច​តេជោ ហ៊ុន សែន មេដឹកនាំផ្តើមចេញ​ពី​ជីវិតជាយុទ្ធជនមួយរូបដែរនោះ បានបន្តក្រើនរំលឹកមន្ត្រីឱ្យយកចិត្តទុកដាក់លើគ្រួសារ​យុទ្ធជនឈរជើងការពារដី យុទ្ធជនពលី ពិការ និងគ្រួសារអតីតយុទ្ធ​ជន។ ក្នុងនាមជាអ្នកធ្លាប់ប្រឡូកជីវិតជាយុទ្ធជនលើសមរភូមិមួយរូបដែរនោះ សម្តេចតេជោ ហ៊ុន សែន បានយល់ច្បាស់ពីការលំបាកទាំងឡាយរបស់យុទ្ធជនក្នុងកិច្ចការពារជាតិ និងទឹកដី។ សម្តេចតេជោ បានសង្កត់ធ្ងន់ថា យុទ្ធជនបានយកទ្រូងរបស់ពួកគេទៅការពារ​ជាតិ ការពារទឹកដី និងប្រជាជន តើហេតុអ្វីមន្ត្រីមិនអាចចែករំលែកក្តីស្រឡាញ់ដល់​ពួក​គេ។ សម្តេចតេជោ បានអំពាវនាវយ៉ាងដូច្នេះ «រឿងដែលយើងត្រូវធ្វើ មូលដ្ឋានទាំងអស់​ត្រូវ​ធ្វើ​រឿងនេះ។ បើយើងធ្វើរឿងនេះប៉ុណ្ណេះ​មិន​បាន មិនសមជាពលរដ្ឋដែលចូលរួម​ការពារ​ជាតិ​នោះទេ។ កុំមើលរំលងឱ្យសោះ ខ្ញុំ​អំពាវ​នាវហើយ អំពាវនាវទៀត ចំពោះគ្រួសារ​យុទ្ធ​ជនពលី យុទ្ធជនពលី អតីតយុទ្ធជន និង​យុទ្ធជនកំពុងការពារទឹកដី»៕