国防部代表团登顶全国运动会奖牌榜 10年来首次

មោទនភាពជាប្រវត្តិសាស្ត្រ! ក្រោយការរង់ចាំអស់រយៈពេល ១០ឆ្នាំ កីឡាកងយោធពលខេមរភូមិន្ទ នៃក្រសួងការពារជាតិ បានឈរនៅលើកំពូលតារាងចំណាត់ថ្នាក់លេខ ១ ទូទាំងប្រទេស ជាលើកដំបូងក្នុងព្រឹត្តិការណ៍ប្រកួតកីឡាជាតិ! ​សូមចូលរួមអបអរសាទរយ៉ាងកក់ក្តៅបំផុត ចំពោះក្រុមប្រឹក្សាកីឡាកងយោធពលខេមរភូមិន្ទ នៃក្រសួងការពារជាតិ ដែលបានដណ្តើមជ័យលាភីជើងឯក ចំណាត់ថ្នាក់លេខ ១ ក្នុងចំណោមប្រតិភូកីឡាក្រសួង រាជធានី និងខេត្តទាំង ២៨ នៅក្នុងព្រឹត្តិការណ៍ប្រកួតកីឡាជាតិលើកទី៥ ឆ្នាំ២០២៦។ ​ខ្ញុំសូមកោតសរសើរ និងវាយតម្លៃខ្ពស់ដោយស្មោះ ចំពោះក្រុមប្រឹក្សាកីឡាកងយោធពលខេមរភូមិន្ទ ប្រតិភូកីឡា មន្ត្រីដឹកនាំ គ្រូបង្វឹក ព្រមទាំងកីឡាករ កីឡាការិនីទាំងអស់ ដែលបានខិតខំប្រឹងប្រែងហ្វឹកហាត់ និងបំពេញបេសកកម្មប្រកបដោយវិន័យ ឆន្ទៈមោះមុត និងស្មារតីទទួលខុសត្រូវខ្ពស់ រហូតដណ្តើមបានមេដាយសរុបរហូតដល់ ១៨៣ គ្រឿង ជូនកងទ័ព និងប្រទេសជាតិ៖ ​ មេដាយមាស ចំនួន ៩១ គ្រឿង មេដាយប្រាក់ ចំនួន ៥២ គ្រឿង មេដាយសំរឹទ្ធ ចំនួន ៤០ គ្រឿង ​ជោគជ័យដ៏ត្រចះត្រចង់នេះ គឺជាសក្ខីភាពនៃការរីកចម្រើនឥតឈប់ឈររបស់វិស័យកីឡាកងយោធពលខេមរភូមិន្ទ ក្រោមម្លប់នៃសុខសន្តិភាពពេញលេញ។ -អរគុណសន្តិភាព ! -អរគុណនយោបាយឈ្នះឈ្នះ ! -ដឹងគុណស្ថាបនិក មគ្គុទ្ទេសក៍ឯក និងប្រតិបតិ្តករ នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ ! ______ 🌐 __[គេហទំព័រ ក្រសួងការពារជាតិ](https://mod.gov.kh/) 🌐 [ក្រសួងការពារជាតិ](https://www.facebook.com/Ministrydefence) 🌐 [TEA Seiha/ទៀ សីហា](https://web.facebook.com/TeaSeiha0055) 🌐 [X(Twitter): ក្រសួងការពារជាតិ](https://x.com/modgovkh) 🌐 [YouTube: ក្រសួងការពារជាតិ](https://www.youtube.com/@modgovkhm) 🌐 [Tiktok: ក្រសួងការពារជាតិ](https://www.tiktok.com/@modgovkhm)