农业部官员视察班迭棉吉省洪水灾情

ឯកឧត្តមអនុរដ្ឋលេខធិការ ជា ឆេង​ អញ្ជើញចុះពិនិត្យស្ថានភាពទឹកជំនន់តាមបណ្តោយផ្លូវក្រវាត់ក្រៅ​ ការខូចខាតនៃហេដ្ឋារចនាសម្ព័ន្ធផ្លូវ និងផលប៉ះពាល់លើការធ្វើដំណើររបស់ប្រជាពលរដ្ឋ​ នៅខេត្តបន្ទាយមានជ័យ ====================== នាព្រឹកថ្ងៃទី២ ខែតុលា ឆ្នាំ២០២៦ ឯកឧត្តម ជា ឆេង ប្រធានក្រុមការងាររាជរដ្ឋាភិបាលចុះមូលដ្ឋានស្រុកមង្គលបូរី និងឯកឧត្តម តាន់ ផាន់ណារ៉ា អនុប្រធានក្រុមការងារ ព្រមទាំងអាជ្ញាធរមូលដ្ឋាន និងមន្ត្រីជំនាញពាក់ព័ន្ធ បានអញ្ជើញចុះពិនិត្យស្ថានភាពទឹកជំនន់តាមបណ្តោយផ្លូវក្រវាត់ក្រៅ ដើម្បីវាយតម្លៃពីស្ថានភាពទឹកជំនន់ក្នុងស្រុកមង្គលបូរី ការខូចខាតនៃហេដ្ឋារចនាសម្ព័ន្ធផ្លូវ និងផលប៉ះពាល់លើការធ្វើដំណើររបស់ប្រជាពលរដ្ឋ នៅស្រុកមង្គលបូរី ខេត្តបន្ទាយមានជ័យ​។ ជាកិច្ចបន្ទាប់​ ​ឯកឧត្តមអនុរដ្ឋលេខធិការ ជា ឆេង បានបន្តចុះពិនិត្យស្ថានភាពទឹកជំនន់ដែលលិចបរិវេណវត្តបន្ទាយនាង ស្ថិតក្នុងឃុំបន្ទាយនាង ស្រុកមង្គលបូរី។ ដេីម្បីដោះស្រាយនូវការលំបាកនេះ និងផ្លូវធ្វើដំណើរដែលប្រជាពុទ្ធបរិស័ទជិតឆ្ងាយមិនអាចធ្វេីដំណើរទៅចូលរួមកាន់បិណ្ឌ ឬប្រគេនចង្ហាន់បាន ក្រុមការងាររាជរដ្ឋាភិបាលចុះមូលដ្ឋានស្រុកមង្គលបូរី​ ដឹកនាំដោយ ​ឯកឧត្តមអនុរដ្ឋលេខធិការ ជា ឆេង បានរៀបចំគ្រឿងឧបភោគបរិភោគ និងទេយ្យទានប្រគេនជូនព្រះចៅអធិការវត្តដើម្បីជួយសម្រួលដល់ការចាត់ចែងក្នុងវត្តអារាមអំឡុងពេលជួបវិបត្តិនេះ ក៏ដូចជាជួយផ្គត់ផ្គង់ប្រជាពលរដ្ឋដែលត្រូវបានជម្លៀសនៅតំបន់នោះផងដែរ។ គ្រឿងឧបភោគបរិភោគ និងទេយ្យទានយកទៅប្រគេនរួមមាន៖ អង្ករ ១០០គីឡូក្រាម មីជាតិ ៥កេស ទឹកសុទ្ធ ៥កេស ទឹកត្រី ៥យួរ ទឹកស៊ីអីវ ៥យួរ សាច់គោ សាច់ជ្រូក សាច់មាន់ ស៊ុតមាន់ និងបច្ច័យ ១ ២០០ ០០០រៀល៕ 👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ [Website](https://www.maff.gov.kh/) | [Facebook](https://web.facebook.com/maff.gov.kh/) | [Youtube](https://www.youtube.com/@-maff2) | [Telegram](https://t.me/maff_gov_kh)