柬埔寨国家银行警告 严禁损毁或涂改瑞尔纸币

ការបំប្លែងរូបភាពលើក្រដាសប្រាក់រៀល ការសរសេរ ផាត់ពណ៌ ឬទុកដាក់ក្រដាសប្រាក់រៀលមិនត្រឹមត្រូវ ជាការប្រមាថដល់ប្រទេស និងប្រជាជាតិកម្ពុជាទាំងមូល។ ធនាគារជាតិនៃកម្ពុជា បានចេញលិខិតក្រើនរំលឹកបែបនេះ​ នាថ្ងៃទី១២ ខែឧសភា បន្ទាប់ពីសង្កេតឃើញរយៈពេលចុងក្រោយនេះ មានអ្នកប្រើប្រាស់បណ្តាញសង្គម មួយចំនួនបានប្រើប្រាស់រូបក្រដាសប្រាក់រៀល ដែលជារូបិយវត្ថុជាតិខ្មែរ ក្នុងកម្មវត្ថុរចនាក្រាហ្វិក ឬ បំប្លែងរូបភាពសម្រាប់គោលបំណងផ្សេងៗ។ « សកម្មភាពបែបនេះបង្កផលប៉ះពាល់ អវិជ្ជមានយ៉ាងខ្លាំងដល់តម្លៃជាតិ។»។ នេះជាការបញ្ជាក់របស់ធនាគារជាតិ នៃកម្ពុជា៕