柬埔寨司法部官员赴日参加商事仲裁与投资争端解决研讨会

ឯកឧត្តម **សន សោភ័ណ** អនុរដ្ឋលេខាធិការក្រសួងយុត្តិធម៌និងជាសមាជិកគណៈកម្មការរៀបចំដំណើរការ តុលាការពាណិជ្ជកម្ម ==================== ចាប់ពីថ្ងៃទី២០ដល់ថ្ងៃទី២២ ខែមេសា ឆ្នាំ២០២៦ ឯកឧត្តម **សន សោភ័ណ** អនុរដ្ឋលេខាធិការ ក្រសួងយុត្តិធម៌និងជាសមាជិកគណៈកម្មការរៀបចំដំណើរការតុលាការពាណិជ្ជកម្ម បានអញ្ជើញចូលរួមក្នុង កិច្ចពិភាក្សាលើកទី២ស្តីពីគោលនយោបាយស្ថាប័ននីយកម្មសន្ធានកម្មនិងការពង្រឹងប្រព័ន្ធគ្រប់គ្រងការដោះស្រាយវិវាទរវាងវិនិយោគិននិងរដ្ឋ ដែលបានរៀបចំដោយធនាការអភិវឌ្ឈអាស៊ី នៅទីក្រុងតូក្យូ ប្រទេសជប៉ុន។ បន្តពីកិច្ចពិភាក្សាលើកទី១​ដែលបានធ្វើនាខែកុម្ភៈ ឆ្នាំ២០២៥ នៅទីក្រុងតូក្យូ ក្នុងកិច្ចពិភាក្សាលើកទី២ នេះ ធនាគារអភិវឌ្ឈអាស៊ីបានអញ្ជើញអ្នកជំនាញនានាក្នុងវិស័យសន្ធានកម្មនិងវិនិយោគ នៃប្រទេសអាស៊ី ប៉ាសុីហ្វិក អង្គការមួយចំនួនដូចជា ធនាគារពិភពលោក, គណៈកម្មការអង្គការសហប្រជាជាតិស្តីពីច្បាប់ ពាណិជ្ជកម្មអន្តរជាតិ​(UNCITRAL), មជ្ឈមណ្ឌលអន្តរជាតិដើម្បីដោះស្រាយវិវាទវិនិយោគ (ICSID), មជ្ឈមណ្ឌលសន្ធានកម្មសឹង្ហបុរី ជប៉ុន កូរ៉េ និងចិន ក្នុងគោលបំណងពិភាក្សារកដំណោះស្រាយចំពោះបញ្ហា ប្រឈមមួយចំនួន ដើម្បីពង្រឹងនិងពង្រីកសមត្ថភាពមន្ត្រីសន្ធានកម្មពាណិជ្ជកម្មនិងវិនិយោគ, ការអភិវឌ្ឈ ក្របខណ្ឌច្បាប់សន្ធានកម្មពាណិជ្ជកម្មនិងវិនិយោគ ព្រមទាំងការចូលជាសមាជិកនៃអនុសញ្ញាសឹង្ហបុរីស្តីពី សន្ធានកម្ម។