22名僧侣涉嫌从泰国走私110公斤大麻至斯里兰卡被捕

បណ្ដាញសារព័ត៌មានអន្តរជាតិធំៗ លើពិភពលោក ទាំងចិន អាមេរិក និង អង់គ្លេស ផ្សាយករណីលោកសង្ឃ២២អង្គលួចលាក់នាំកញ្ឆាមកពីថៃចូលស្រីលង្កា! បណ្ដាញសារព័ត៌មានអន្តរជាតិធំៗបានចុះផ្សាយយ៉ាងព្រោងព្រាត ជុំវិញករណីអាជ្ញាធរស្រីលង្កាបានឃាត់ខ្លួនក្រុមព្រះសង្ឃវ័យក្មេងចំនួន ២២អង្គ នៅព្រលានយន្តហោះអន្តរជាតិ Bandaranaike ក្នុងបទល្មើសជួញដូរគ្រឿងញៀនឆ្លងដែន ក្រោយរកឃើញកញ្ឆាទម្ងន់សរុបរហូតដល់ ១១០គីឡូក្រាម។ អ្នកនាំពាក្យគយស្រីលង្កាបានឱ្យដឹងថា ក្រុមព្រះសង្ឃទាំងនោះទើបតែធ្វើដំណើរត្រឡប់មកពីសម្រាកវិស្សមកាលរយៈពេល ៤ថ្ងៃ នៅទីក្រុងបាងកក ប្រទេសថៃ ដោយដំណើរកម្សាន្តទៅកាន់ប្រទេសថៃនេះ ត្រូវបានគេដឹងថា ឧបត្ថម្ភដោយអ្នកជំនួញម្នាក់។ តាមការត្រួតពិនិត្យ ប៉ូលីសបានរកឃើញគ្រឿងញៀនប្រភេទ «Kush» ដែលជាប្រភេទកញ្ឆាខ្លាំង ត្រូវបានលាក់បង្កប់យ៉ាងជិតដិតនៅក្នុងវ៉ាលិស។ បច្ចុប្បន្ន ក្រុមព្រះសង្ឃទាំងអស់ត្រូវបានបញ្ជូនទៅឱ្យសមត្ថកិច្ច ដើម្បីត្រៀមបង្ហាញខ្លួននៅចំពោះមុខចៅក្រមស៊ើបសួរ។ ព័ត៌មានលម្អិត សូមចុច ៖ https://t.me/troryorngsocial