王宫部完成600名公务员生物识别普查

ក្រសួងព្រះបរមរាជវាំង បញ្ចប់យុទ្ធនាការជំរឿន និងធ្វើជីវមាត្រមន្ត្រីប្រមាណ ៦០០នាក់ ដោយជោគជ័យ យុទ្ធនាការជំរឿន ធ្វើបច្ចុប្បន្នភាពទិន្នន័យមន្ត្រីរាជការជាក់ស្តែង និងការប្រមូលទិន្នន័យជីវមាត្រ នៅក្រសួងព្រះបរមរាជវាំង ត្រូវបានបិទបញ្ចប់ដោយជោគជ័យ នារសៀលថ្ងៃទី២៧ ខែសីហា ឆ្នាំ២០២៦ នេះ។ យុទ្ធនាការនេះបានដំណើរការយ៉ាងសកម្ម ក្នុងរយៈពេល ២ថ្ងៃពេញ ចាប់ពីថ្ងៃទី២៦ ដល់ថ្ងៃទី២៧ ខែសីហា ឆ្នាំ២០២៦ ដោយមានការអញ្ជើញចូលរួមយ៉ាងផុសផុលពីសំណាក់ថ្នាក់ដឹកនាំ និងមន្ត្រីរាជការសរុបប្រមាណ ៦០០នាក់។ នៅក្នុងឱកាសបិទបញ្ចប់យុទ្ធនាការនេះ គណៈកម្មការជំរឿនមន្ត្រីនៃក្រសួងមុខងារសាធារណៈ បានសម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំ មន្ត្រីរាជការ និងបុគ្គលិកទាំងអស់នៃក្រសួងព្រះបរមរាជវាំង ដែលបានផ្តល់កិច្ចសហការយ៉ាងសកម្ម និងចូលរួមបំពេញកាតព្វកិច្ចក្នុងស្មារតីទទួលខុសត្រូវខ្ពស់។ ស្មារតីសាមគ្គីភាពនេះ បានបង្កលក្ខណៈងាយស្រួលធ្វើឱ្យដំណើរការការងារពេញ ២ថ្ងៃនេះ សម្រេចបានលទ្ធផលយ៉ាងល្អប្រសើរ និងស្របតាមទិសដៅដែលបានកំណត់ទុក៕ ......................................... តំណភ្ជាប់ទៅកាន់បណ្តាញសង្គមរបស់យើង៖ 🌐 Facebook 🌐 Tiktok 🌐 Telegram 🌐 Instagram 🌐 YouTube