司法部严惩柏威夏及拉达那基里省法院违纪人员

ឯកឧត្ដម ជីវ សុងហាក់ រដ្ឋលេខាធិការ ក្រសួងយុត្ដិធម៌ និងជាប្រធានក្រុមប្រឹក្សាវិន័យ ប្រជុំពិនិត្យ វាយតម្លៃ ដាក់ទណ្ឌកម្មវិន័យលេីមន្ត្រីរាជការ បម្រេីការងារនៅលេខាធិការដ្ឋានរដ្ឋបាលសាលាដំបូងខេត្តព្រះវិហារ និងលេខាធិការដ្ឋានរដ្ឋបាលសាលាដំបូងខេត្តរតនគិរី ដែលអសកម្មការងារ​ និងអវត្តមានគ្មានច្បាប់អនុញ្ញាតត្រឹមត្រូវ =================== ទីស្តីការក្រសួងយុត្តិធម៌ នាព្រឹកថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែកក្ដដា ឆ្នាំ២០២៦ វេលាម៉ោង ៩.០០ នាទីព្រឹក ឯកឧត្ដម ជីវ សុងហាក់ រដ្ឋលេខាធិការក្រសួងយុត្ដិធម៌ និងជាប្រធានក្រុមប្រឹក្សាវិន័យ បានអញ្ជេីញទាំងសាមីខ្លួនចូលការពារខ្លួនចំពោះមុខក្រុមប្រឹក្សា​វិន័យ​ និងបានដឹកនាំប្រជុំពិនិត្យ វាយតម្លៃ ដាក់ទណ្ឌកម្មវិន័យលើមន្ត្រីរាជការចំនួនពីររូបនៅលេខាធិការដ្ឋានរដ្ឋបាលសាលាដំបូងខេត្ដរតនគិរី និងលេខាធិការដ្ឋានរដ្ឋបាលសាលាដំបូងខេត្ដព្រះវិហារ ដែលអវត្តមានគ្មានច្បាប់អនុញ្ញាតត្រឹមត្រូវ​ និងអសកម្មការងា​រ។ កិច្ចប្រជុំមានការអញ្ជើញចូលរួម ពីឯកឧត្ដម​ ផូវ​ សំភី​ ប្រតិភូរាជរដ្ឋាភិបាល​ និងជាអគ្គនាយកនៃអគ្គនាយកដ្ឋានកិច្ចការរដ្ឋបាលតុលារការ លោក លោកស្រី មន្ត្រីជំនាញ​ ជាសមាជិក ក្រុមប្រឹក្សាវិន័យ។ ជាលទ្ធផលក្រុមប្រឹក្សាវិន័យ បានបោះឆ្នោតសម្រេចលើការដាក់ទណ្ឌកម្មវិន័យ លេីមន្រ្ដីរាជការ​ចំនួន០២រូបរួមមាន៖ ១.លុបឈ្មោះចេញពីក្របខណ្ឌ​ ២.ដាក់នៅទំនេរគ្មានបៀវត្សរយៈពេល៦ខែ​ ទណ្ឌកម្មថ្នាក់ទី២ នៃច្បាប់ស្ដីពីសហលក្ខន្ដិកៈមន្រ្ដីរាជការស៊ីវិលនៃព្រះរាជាណាចក្រកម្ពុជា​ និងអនុក្រឹត្យលេខ:​ ៥៦.​អនក្រ.បក​ ស្តីពីការគ្រប់គ្រងមន្ត្រីរាជការស៉ីវិល​ និងមន្ត្រីជាប់កិច្ចសន្យា។