波里列县警方持续为民众免费办理及更新身份证

នគរបាលស្រុកពោធិ៍រៀង បន្តផ្តល់ និងបន្តសុពលភាពអត្តសញ្ញាណបណ្ណជូនពលរដ្ឋដោយឥតគិតថ្លៃ ព្រៃវែង៖ នៅថ្ងៃទី១៧ ខែមេសា ឆ្នាំ២០២៦ សកម្មភាពជំនាញអត្តសញ្ញាណបណ្ណសញ្ជាតិខ្មែរ ចំណុះអធិការដ្ឋាននគរបាលស្រុកពោធិ៍រៀង នៃស្នងការដ្ឋាននគរបាលខេត្តព្រៃវែង បានបន្តបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ បន្តសុពលភាព និងប្រគល់អត្តសញ្ញាណបណ្ណជូនប្រជាពលរដ្ឋ សម្រាប់ប្រើប្រាស់តាមតម្រូវការចាំបាច់ក្នុងជីវភាពប្រចាំថ្ងៃ។ អត្តសញ្ញាណបណ្ណសញ្ជាតិខ្មែរ អាចប្រើប្រាស់សម្រាប់គោលបំណងជាច្រើន រួមមាន ការចុះឈ្មោះចូលរៀន ការដាក់ពាក្យចូលបម្រើការងារ ការចុះបញ្ជីអចលនវត្ថុ ការចុះបញ្ជីយានយន្ត ការបើកគណនីធនាគារ ការចុះបញ្ជីពាណិជ្ជកម្ម ការចុះកិច្ចសន្យា ការស្នើសុំលិខិតឆ្លងដែន និងសេវារដ្ឋបាលផ្សេងៗទៀត។ សមត្ថកិច្ចបានអំពាវនាវដល់ប្រជាពលរដ្ឋខ្មែរ ដែលមានអាយុគ្រប់១៥ឆ្នាំឡើងទៅ ឬអត្តសញ្ញាណបណ្ណអស់សុពលភាព ឬនៅសល់សុពលភាពតិចជាង៦ខែ សូមអញ្ជើញទៅបំពេញបែបបទធ្វើអត្តសញ្ញាណបណ្ណថ្មី ដោយឥតគិតថ្លៃ៕