旅游部绿色季节旅游推广 组织国立管理大学师生考察

សូមអរគុណដល់មហាវិទ្យាល័យទេសចរណ៍នៃសាកលវិទ្យាល័យជាតិគ្រប់គ្រង ដែលបានចូលរួមយុទ្ធនាការទស្សនាកម្ពុជានៅរដូវកាលបៃតង! We Love Green Season! ឯកឧត្តម មហាំម៉ាត់ យូណេះ អនុរដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញជួបសំណេះសំណាល និងជូនដំណើរសាស្ត្រាចារ្យ បុគ្គលិក និងនិស្សិតមហាវិទ្យាល័យទេសចរណ៍នៃសាកលវិទ្យាល័យជាតិគ្រប់គ្រង ប្រមាណ ១១០រូប ក្នុងដំណើរទស្សនកិច្ចផ្សព្វផ្សាយសហគមន៍អេកូទេសចរណ៍ត្រពាំងសង្កែ និងកំពង់សាមគ្គីខេត្តកំពត ព្រមទាំងទស្សនកិច្ចនៅខេត្តស្ទឹងត្រែងនារដូវកាលបៃតង។ សូមជម្រាបជូនថា ការរៀបចំដំណើរកម្សាន្តសាស្ត្រចារ្យ និស្សិត និងបុគ្គលិក សាកលវិទ្យាល័យជាតិគ្រប់គ្រង ទៅកាន់គោលដៅទេសចរណ៍តាមតំបន់រួមមាន៖ ១). ថ្ងៃ១៦ ខែឧសភា ឆ្នាំ២០២៦ សាស្ត្រចារ្យ និងនិស្សិតមហាវិទ្យាល័យទេសចរណ៍ចំនួន ៣០នាក់ ធ្វើទស្សនកិច្ចសិក្សានៅសហគមន៍អេកូទេសចរណ៍ត្រពាំងសង្កែ និងកំពង់សាមគ្គីខេត្តកំពត និង២). ថ្ងៃ២៩ ដល់៣១ ខែឧសភា ឆ្នាំ២០២៦ មានសាស្ត្រចារ្យ និស្សិតក្នុងមហាវិទ្យាល័យទេសចរណ៍ ចំនួន ៨០នាក់ ធ្វើទស្សនកិច្ចសិក្សានៅខេត្តស្ទឹងត្រែង។ រាជធានីភ្នំពេញ ថ្ងៃទី៣០ ខែឧសភា ឆ្នាំ២០២៦ 🌐 [ក្រសួងទេសចរណ៍ Ministry of Tourism](https://www.facebook.com/cambodia.tourism.ministry/) 🌐 [Huot Hak ហួត ហាក់](https://www.facebook.com/Huothakfficial/) 🌐 [Instagram](https://www.instagram.com/ministry_of_tourismcambodia) 🌐 [X(Twitter](https://x.com/OfCambodia71444)) 🌐 [Youtube](https://www.youtube.com/@MinistryofTourismCambodia) 🌐 [Tiktok](https://www.tiktok.com/@officialtourismcambodia?lang=en) 🌐 [Website](https://tourism.gov.kh/) ☑️ [Threads](https://www.threads.net/@ministry_of_tourismcambodia)