经过严格的阅卷与评分，全国教师调动考试结果于今日（10月16

ការកែសន្លឹកកិច្ចការឈានដល់ការសម្រេច នឹងត្រៀមប្រកាសលទ្ធផលផ្លូវការនៃការប្រឡងផ្ទេរគ្រូបង្រៀនក្នុងថ្ងៃនេះ ឆ្លងកាត់ដំណាក់កាលកែសន្លឹកកិច្ចការ និងផ្ទៀងផ្ទាត់ពិន្ទុយ៉ាងហ្មត់ចត់បំផុត ដំណើរការប្រឡងប្រជែងផ្ទៃក្នុង សម្រាប់គ្រូបង្រៀនជាមន្ត្រីរាជការក្របខ័ណ្ឌ ដើម្បីផ្ទេរកន្លែងការងារពីគ្រឹះស្ថានសិក្សាសាធារណៈទូទាំងប្រទេស មកបំពេញតម្រូវការគ្រូបង្រៀនបន្ថែមនៅតាមគ្រឹះស្ថានសិក្សាសាធារណៈ ក្នុងភូមិសាស្ត្ររាជធានីភ្នំពេញ បានឈានដល់ការសម្រេច នឹងប្រកាសលទ្ធផលផ្លូវការនៅក្នុងថ្ងៃនេះហើយ (ថ្ងៃទី១៦ ខែតុលា ឆ្នាំ២០២៦)។ ចាប់ពីម៉ោង ៧ព្រឹកថ្ងៃនេះ ក្រុមការងារនៃអនុគណៈកម្មការកែ បានចាប់ផ្តើមបន្តនីតិវិធីយ៉ាងសកម្មក្នុងការពិនិត្យ ស្រង់ពិន្ទុ ផ្ទៀងផ្ទាត់ និងបញ្ចូលទិន្នន័យ ចូលក្នុងប្រព័ន្ធបូកសរុបពិន្ទុ និងធ្វើចំណាត់ថ្នាក់លទ្ធផល ដោយគ្មានការចន្លោះប្រហោង ក្រោមអភិក្រម «ជាប់ដោយមោទនៈ ធ្លាក់ដោយអស់ចិត្ត» ដោយមានការតាមដានឃ្លាំមើលជាប់ជាប្រចាំ គ្រប់ដំណាក់កាលពីអង្គភាពប្រឆាំងអំពើពុករលួយ និងអនុគណៈកម្មការពិនិត្យនិងវាយតម្លៃ លើគ្រប់ដំណាក់កាលទាំងអស់។ នេះគឺជាវឌ្ឍនភាព និងជាដំណាក់កាលមួយ នៃរបត់កែទម្រង់រដ្ឋបាលសាធារណៈ ដែលឆ្លងកាត់ការគ្រប់គ្រង និងត្រួតពិនិត្យយ៉ាងតឹងរ៉ឹងបំផុត ដើម្បីធានាបាននូវសុក្រឹតភាព និងតម្លាភាពពេញលេញ។