金边堆谷区156号路与毛泽东大道交汇处因车辆违停导致交通拥堵

📷 ចំណីផ្លូវសាធារណៈ កំពុងក្លាយជាកន្លែងចតរថយន្ត យ៉ាងអានាធិបតេយ្យ បង្កមានការកកស្ទះរៀងរាល់ថ្ងៃ នៅតាមបណ្តោយផ្លូវលេខ ១៥៦ កែង ផ្លូវម៉ៅសេទុង ក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ ពលរដ្ឋដែលធ្វើដំណើរឆ្លងកាត់តាមបណ្តោយផ្លូវនេះ បានស្នើឱ្យអាជ្ញាធរមូលដ្ឋានមេត្តាជួយចុះពិនិត្យមើល ដោយសារតែរៀងរាល់ពេលធ្វើដំណើរឆ្លងកាត់ តែងតែជួបប្រទះបញ្ហាកកស្ទះ រំខានដល់ការធ្វើដំណើរជាប្រចាំ។ ជាមួយគ្នានេះដែរ គេសង្កេតឃើញថា ក្នុងមូលដ្ឋានខណ្ឌទួលគោក តែងតែឃើញលោក ស៊ីម សុផង់ អភិបាលរងខណ្ឌ ចុះរៀបចំសណ្តាប់ធ្នាប់ជាប្រចាំក្នុងមូលដ្ឋាន ប៉ុន្តែពុំទាន់ឃើញចុះមករៀបចំសណ្ដាប់ធ្នាប់នៅលើផ្លូវលេខ ១៥៦ នេះនៅឡើយទេ ដោយបណ្តោយឱ្យមានការយកផ្លូវធ្វើជាកន្លែងចតម៉ូតូ និងរថយន្តទៅវិញ។