美伊和平谈判陷入僵局 涉及石油与地区安全

**អាមេរិកនិងអ៊ីរ៉ង់នៅតែខ្វែងគំនិតគ្នាលើសំណើសន្តិភាព** ============= អាមេរិកនិងអ៊ីរ៉ង់នៅតែប្រកាន់ជំហរតឹងរ៉ឹងរៀងខ្លួន ដោយ​មិន​ទាន់ព្រមលើសំណើសន្តិភាព ដែលបានដោះដូរគ្នាតាម​រយៈប្រទេសប៉ាគីស្ថាន ដែលជាអ្នកសម្របសម្រួលនៅ​ឡើយ​ទេ។ នៅថ្ងៃអាទិត្យទី១០ខែឧសភាឆ្នាំ២០២៦ អ៊ីរ៉ង់​បា​នឆ្លើយ​តបនឹងសំណើរបស់អាមេរិកដើម្បីបញ្ចប់សង្រ្គាម ដោយទាមទារឱ្យបញ្ចប់ការវាយប្រហារគ្រប់ទិសទីជាពិសេសនៅលីបង់ ជាកន្លែងដែលអ៊ីស្រាអែលវាយប្រហារ​លើក្រុម​ហេសបូឡាគាំទ្រអ៊ីរ៉ង់។ បើតាមប្រព័ន្ធ​ផ្សព្វផ្សាយ​អ៊ីរ៉ង់ សំណើរបស់អ៊ីរ៉ង់រួមមាន ការទាមទារសំណងសម្រាប់ការខូចខាតដោយសារសង្រ្គាម និងសង្កត់ធ្ងន់លើអធិបតេយ្យភាពអ៊ីរ៉ង់លើច្រក​សមុទ្រ​Hormuz។ អ៊ីរ៉ង់បានអំពាវនាវឱ្យអាមេរិកបញ្ឈប់​ការបិទ​ផ្លូវទឹក ធានាថាគ្មានការវាយប្រហារបន្ថែមទៀត ដកទណ្ឌ​កម្មនិងបញ្ចប់ការហាមឃាត់របស់អាមេរិកនៅក្នុងការលក់ប្រេងរបស់អ៊ីរ៉ង់។ យ៉ាងណាមិញ របាយការណ៍ទាំងនោះ មិនបាននិយាយអំពីកម្មវិធីនុយក្លេអ៊ែររបស់អ៊ីរ៉ង់ ដែលជា​បញ្ហាសំខាន់មួយដែលសហរដ្ឋអាមេរិកបានទាមទារឱ្យដោះស្រាយនោះទេ។ ============= [🌐អានព័ត៌មាន ](https://vayofm.com/news/detail/143762-921.html) [**👉Facebook**](https://www.facebook.com/vayofm)[** 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [👉](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)