柬埔寨官方敦促泰方重启JBC机制 解决边境争议

ប្រសិនបើថៃពិតជាចង់ដោះស្រាយបញ្ហាព្រំដែនតាមយន្តការ JBC តើថៃត្រូវធ្វើអ្វីខ្លះ ដើម្បីបង្ហាញពីឆន្ទៈ និងធ្វើឱ្យយន្តការនេះអាចដំណើរការបានជាក់ស្ដែង? ភ្នំពេញ ៖ នៅថ្ងៃទី២៧ ខែសីហា ឆ្នាំ២០២៦ ក្រុមការងារសាធារណមតិកម្ពុជា (Cambodia PR Team) បានធ្វើការពន្យល់យ៉ាងច្បាស់ថា ប្រសិនបើថៃពិតជាចង់ដោះស្រាយបញ្ហាព្រំដែនតាមយន្តការ JBC ថៃត្រូវតែបង្ហាញឆន្ទៈពិតប្រាកដ ដោយឈប់រកហេតុផលផ្សេងៗដើម្បីពន្យារពេល និងចូលរួមកិច្ចប្រជុំ JBC ឱ្យបានឆាប់។ មកទល់ពេលនេះ កិច្ចប្រជុំ JBC នៅតែជាប់គាំងដោយសារភាគីថៃមិនព្រមចូលរួមសហការ បើទោះបីកម្ពុជាបានស្នើសុំឱ្យមានកិច្ចប្រជុំជាច្រើនលើកច្រើនសារក៏ដោយ។ ជាមួយគ្នានេះ ថៃគួរតែសហការក្នុងការពិនិត្យផែនទី ភស្តុតាង សន្ធិសញ្ញា និងការវាស់វែងព្រំដែនរួមគ្នា ព្រមទាំងជៀសវាងសកម្មភាពឯកតោភាគីនៅតំបន់ដែលកំពុងមានវិវាទ៕