日本驻柬埔寨大使支持柬方通过国际法解决边境争端

ឯកអគ្គរាជទូតជប៉ុនប្រចាំកម្ពុជាកោតសរសើរនិងគាំទ្រកម្ពុជាដែលមានភាពចាស់ទុំក្នុងការដោះស្រាយបញ្ហាព្រំដែនដោយភាពអត់ធ្មត់ បើកចំហ និងប្រើប្រាស់ច្បាប់ អន្តរជាតិ ============= ក្នុងជំនួបជាមួយលោក Ueno Atsushi ឯកអគ្គរាជទូតជប៉ុនប្រចាំកម្ពុជា នារសៀលថ្ងៃទី១ ខែកក្កដា ឆ្នាំ២០២៦ លោក ធន់ វឌ្ឍនា អនុប្រធានទី២ព្រឹទ្ធសភា បានកោតសរសើរចំពោះតួនាទីជប៉ុនក្នុងការលើកកម្ពស់សន្តិភាព និងវិបុលភាព សម្រាប់កម្ពុជាចាប់តាំងពីការបោះឆ្នោតដែលរៀបចំដោយអង្គការសហប្រជាជាតិក្នុងឆ្នាំ១៩៩៣ រហូតមក ។ ពាក់ព័ន្ធនឹងកិច្ចការដោះស្រាយជម្លោះព្រំដែនជាមួយថៃ លោក ធន់ វឌ្ឍនា បានបញ្ជាក់ពីគោលជំហរបស់កម្ពុជាក្នុងការរក្សាភាពអត់ធ្មត់ បើកចំហឱ្យមានការចូលរួមពីភាគីទីបី និងពឹងផ្អែកលើច្បាប់អន្តរជាតិ ។ ជាការឆ្លើយតប លោក Ueno Atsushi បានកោតសរសើរ និងគាំទ្រកម្ពុជា ដែលបានបង្ហាញនូវភាពចាស់ទុំក្នុងការដោះស្រាយបញ្ហាប្រកបដោយភាពអត់ធ្មត់ បើកចំហ និងប្រើប្រាស់ច្បាប់អន្តរជាតិ៕ ============= [**👉Facebook **](https://www.facebook.com/vayofm)[**👉Telegram**](https://t.me/vayofm)[** 👉TikTok **](https://www.tiktok.com/@vayofmradio?_t=8qP0w6MsZfe&_r=1)**👉**[**YouTube **](https://www.youtube.com/@vayofm105)**👉**[**IOS **](https://apps.apple.com/us/app/vayo-fm-radio/id993070474)**👉**[**Android**](https://play.google.com/store/apps/details?id=com.vayofm.bunsorng.vayoapp)