柬埔寨国家警察总署严打网诈及跨境犯罪

[来源: 柬埔寨国家电视台] [分类提示: NEWS] 标题: ឯកឧត្ដម នាយឧត្ដមសេនីយ៍ ស ថេត ណែនាំឲ្យបង្កើនការតាមដាន ស្រាវជ្រាវ ទប់ស្កាត់ និងបង្រ្កាបបទល្មើសឆបោកតាមប្រព័ន្ធបច្ចេកវិទ្យា និងបទល្មើសឧក្រិដ្ឋកម្មឆ្លងដែនគ្រប់ប្រភេទ រាជធានីភ្នំពេញ ៖ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ណែនាំឲ្យកងកម្លាំងនគរបាលជាតិគ្រប់ជាន់ថ្នាក់ បង្កើនការតាមដាន ស្រាវជ្រាវ ទប់ស្កាត់ និងបង្រ្កាបបទល្មើសឆបោកតាមប្រព័ន្ធបច្ចឹកវិទ្យា (Online Scams), បទល្មើសគ្រឿងញៀន និងបទល្មើសឧក្រិដ្ឋកម្មឆ្លងដែនគ្រប់ប្រភេទ ដើម្បីរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋទូទាំងប្រទេស ជាពិសេសធ្វើយ៉ាងណាទាមទារភាពស្អាតស្អំ និងកិត្តិយករបស់កម្ពុជាមកវិញ។ ការណែនាំនេះ ធ្វើឡើងក្នុងឱកាស ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ អញ្ជើញជាអធិបតី ក្នុងកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការរក្សាសន្តិសុខ សណ្តាប់ធ្នាប់សង្គម ប្រចាំឆមាសទី១ និងលើកទិសដៅការងារសម្រាប់ឆមាសទី២ ឆ្នាំ២០២៦ របស់អគ្គស្នងការដ្ឋាននគរបាលជាតិ នាព្រឹកថ្ងៃទី៧ ខែកក្ដដា ឆ្នាំ២០២៦នេះ នៅសាលប្រជុំខេត្តព្រៃវែង ទីស្តីការក្រសួងមហាផ្ទៃ។ឯកឧត្តម នាយឧត្តមសេនីយ៍ ស ថេត បានប្រសាសន៍ថា កម្ពុជាស្ថិតនៅតំបន់ភូមិសាស្រ្តនយោបាយ ដែលងាយរងនូវសម្ពាធពី ប្រទេសមហាអំណាច ដែលកំពុងដណ្ដើមយកឧត្តមភាពរៀងៗខ្លួន។ ទន្ទឹមនិងនេះ ការបន្តកើតមាននូវអំពើភេរវកម្ម ឧក្រិដ្ឋកម្មឆ្លងដែនគ្រប់ប្រភេទ គួបផ្សំការបើប្រាស់ប្រព័ន្ធបច្ចេកវិទ្យា ធ្វើជាមធ្យោបាយប្រព្រឹត្តបទល្មើសនៅលើសកលលោក ទោះតិចក្តីច្រើនក្តី គឺបានជះឥទ្ធិពលជាអវិជ្ជមានមកលើព្រះរាជាណាចក្រកម្ពុជាផងដែរ។ ការណ៍នេះហើយ ដែលទាមទារឲ្យកងកម្លាំងនគរបាលជាតិទាំងអស់ ត្រូវរួមសហការណ៍គ្នា ដាច់ខាតពុះពារ ជម្នះឱ្យបាននូវឧបសគ្គនានា ដើម្បីថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋ