柬埔寨多省联合执法 严厉打击非法捕捞行动

សូមគោរពរាយការណ៍ជូន ឯកឧត្តមអនុរដ្ឋលេខាធិការ ថ្ងៃសុក្រ ១៤រោច ខែស្រាពណ៍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១១ ខែកញ្ញា ឆ្នាំ២០២៦ 👉ខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបាលជលផលមេគង្គ អធិការដ្ឋានរដ្ឋបាលជលផលខាងត្បូងបឹងទន្លេសាប ខណ្ឌរដ្ឋបាលជលផលកំពង់ឆ្នាំង ខណ្ឌរដ្ឋបាលជលផលកណ្តាល គណៈបញ្ជាការឯកភាពរដ្ឋបាលខេត្តកណ្តាល និងអាជ្ញាធរស្រុកបាធាយ ខេត្តកំពង់ចាម ដឹកនាំដោយឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមានកម្លាំងចូលរួមសរុប ៤៥នាក់ និងកាណូត ៩គ្រឿង បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលចំនួន ១ករណី ដោយរុះរើបំផ្លាញ ចោលនូវឧបករណ៍ខុសច្បាប់រួមមាន៖   -ឧបករណ៍លូស្បៃមុងចំនួន ១៣០មាត់   -របាំងស្បៃមុងចំនួន ១២២កន្លែង ប្រវែង ៦០០០ម៉ែត្រ   -បង្គោលចម្រឹង ២០០០ដើម   -ចាក់លែងកូនត្រីចម្រុះ ៦៥០គីឡូក្រាម    នៅចំណុចចាប់ពីឃុំកោះចិន ស្រុកពញាឮ ខេត្តកណ្តាល រហូតទៅដល់ ភូមិខ្លាគ្រហឹម ឃុំបាធាយ ស្រុកបាធាយ ខេត្តកំពង់ចាម និងស្ទឹងស្ងួត ឃុំអំពិលទឹក ស្រុកកំពង់ត្រឡាច ខេត្តកពង់ឆ្នាំង (ព្រំប្រទល់ខេត្តកំពង់ឆ្នាំង ខេត្តកណ្តាល និងខេត្តកំពង់ចាម)។   សូម ឯកឧត្តម មេត្តាជ្រាបជារបាយការណ៍ដោយសេចក្តីគោរពអំពីខ្ញុំបាទ។