柬埔寨理工学院辟谣 嫩西哈所持学历为伪造

វិទ្យាស្ថានបច្ចេកវិទ្យាកម្ពុជា (សាលាតិចណូ) ប្រកាសបដិសេធមិនទទួលស្គាល់សញ្ញាបត្រលោក ណន សីហា ដោយបញ្ជាក់ថាជា «សញ្ញាបត្រក្លែងក្លាយ» ​ភ្នំពេញ៖ វិទ្យាស្ថានបច្ចេកវិទ្យាកម្ពុជា (ITC ឬសាលាតិចណូ) បានចេញសេចក្តីប្រកាសផ្លូវការមួយ បដិសេធមិនទទួលស្គាល់សញ្ញាបត្ររបស់លោក ណន សីហា ដែលជាអ្នកម៉ៅការសាងសង់ផ្ទះមួយរូប បន្ទាប់ពីមានការបង្ហោះ និងចែកចាយរូបភាពសញ្ញាបត្រនៅលើបណ្ដាញសង្គមនាពេលថ្មីៗនេះ។ ​យោងតាមការពិនិត្យរបស់វិទ្យាស្ថាន បានរកឃើញថា នេះជាករណីក្លែងបន្លំសញ្ញាបត្ររបស់សាលាតិចណូ ដោយមានអត្តសញ្ញាណ​ឈ្មោះ៖ ណន សីហា ​ភេទប្រុស ​ថ្ងៃខែឆ្នាំកំណើត ០៣ សីហា ១៩៩៣។ ​សាលាតិចណូបានបញ្ជាក់ច្បាស់ៗថា វិទ្យាស្ថានមិនទទួលស្គាល់សញ្ញាបត្រដែលមានឈ្មោះខាងលើនេះឡើយ ព្រោះវាជាសញ្ញាបត្រក្លែងក្លាយ និងមិនមែនចេញដោយវិទ្យាស្ថាននោះទេ។ ជាមួយគ្នានេះដែរ ខាងសាលាក៏បានគោរពស្នើសុំទៅកាន់អាជ្ញាធរមានសមត្ថកិច្ចពាក់ព័ន្ធ ដើម្បីចាត់វិធានការទៅតាមផ្លូវច្បាប់ផងដែរ៕ សារព័ត៌មាន ដើមអម្ពិល - ព័ត៌មានទាន់ហេតុការណ៍ដោយ សយ សុភាព 👉 https://t.me/dapnews តាមដានព័ត៌មានទាន់ហេតុការណ៍ https://t.me/dapnews ទំនាក់ទំនង៖ 097 227 9999