嫌疑人程皮伦被移交回柬埔寨 接受司法调查

ជនសង្ស័យ ឆេង ភារុណ កំពុងរៀបចំបែបបទឆ្លងដែនត្រឡប់ចូលកម្ពុជាវិញ... ជនសង្ស័យឈ្មោះ ឆេង ភារុណ កំពុងរៀបចំបែបបទឆ្លងដែន ដើម្បីត្រឡប់ចូលមកកាន់ប្រទេសកម្ពុជាវិញ ខណៈអាជ្ញាធរពាក់ព័ន្ធកំពុងរង់ចាំទទួលយក ដើម្បីបន្តនីតិវិធីតាមច្បាប់។ បើតាមព័ត៌មានបឋម ជនសង្ស័យខាងលើបានត្រឡប់មកដល់តំបន់ព្រំដែននៅវេលាម៉ោងប្រមាណ ២៣៖០០នាទីយប់ ប៉ុន្តែដោយសារពេលវេលាយប់ជ្រៅ ខាងភាគីវៀតណាមបានផ្អាកការឆ្លងដែនជាបណ្តោះអាសន្ន ដោយឱ្យសម្រាកនៅផ្ទះជួលមួយកន្លែងក្បែរនោះមួយយប់ រង់ចាំពេលព្រឹក ទើបរៀបចំបែបបទ និងអនុញ្ញាតឱ្យឆ្លងដែនចូលមកកាន់ទឹកដីកម្ពុជាវិញ។ ក្នុងនោះ ភាគីវៀតណាមបានធានាមើលខុសត្រូវជនសង្ស័យខាងលើ ដើម្បីមិនឱ្យមានការបាត់ខ្លួន ឬគេចខ្លួន មុនពេលបំពេញបែបបទឆ្លងដែនរួចរាល់។ បន្តិចទៀតនេះ បន្ទាប់ពីជនសង្ស័យ ឆេង ភារុណ បំពេញបែបបទឆ្លងដែនរួច នឹងត្រូវបានដឹកបន្តយកមកកាន់ ស្នងការដ្ឋាននគរបាលរាជធានីភ្នំពេញ ដើម្បីប្រគល់ជូនសមត្ថកិច្ច និងបន្តនីតិវិធីតាមផ្លូវច្បាប់។ ព័ត៌មានលម្អិតនឹងជម្រាបជូនបន្ត នៅពេលមានការបញ្ជាក់ជាផ្លូវការពីសមត្ថកិច្ច៕ (ពីខ្ញុំប៊ុនធឿនហៅខ្លាពីរ)