6只濒危白肩鹮在暹邦野生动物保护区放归自然

[来源: 柬埔寨国家电视台] [分类提示: NEWS] 标题: សត្វត្រយងចង្កំ ក ស ៦ក្បាល ជាប្រភេទបក្សីរងគ្រោះជិតផុតពូជ ត្រូវបានលែងចូលព្រៃធម្មជាតិ ខេត្តសៀមរាប៖ សត្វត្រយងចង្កំ ក ស ដែលជាប្រភេទបក្សីរងគ្រោះជិតផុតពូជបំផុត ចំនួន៦ក្បាល ត្រូវបានក្រុមការងារអភិរក្សលែងចូលទៅក្នុងព្រៃធម្មជាតិវិញ នៅក្នុងដែនជម្រកសត្វព្រៃសៀមប៉ាង។  មជ្ឈមណ្ឌលអង្គរសម្រាប់ការអភិរក្សជីវៈចម្រុះ(ACCB) បញ្ជាក់ថា សត្វត្រយងទាំង៦ក្បាល រួមមានឈ្មោល៣ក្បាល និងញី៣ក្បាល ត្រូវបានបង្កាត់ពូជហើយញាស់ចន្លោះឆ្នាំ២០២៣ ដល់ឆ្នាំ២០២៥។ មុនពេលលែង សត្វត្រយងទាំងនេះ ត្រូវបានដាក់នៅក្នុងទ្រុងបន្សំដ៏ធំមួយ ស្ថិតនៅក្នុងដែនជម្រកសត្វព្រៃសៀមប៉ាងរយៈពេល៤សប្តាហ៍ ដើម្បីឱ្យពួកវាសម្របខ្លួនទៅនឹងបរិស្ថានថ្មី និងបង្កើនឱកាសក្នុងការផ្លាស់ទីទៅរស់នៅក្នុងព្រៃធម្មជាតិដោយជោគជ័យ។ ក្នុងចំណោមសត្វត្រយងទាំង៦ក្បាល មាន៤ក្បាល ត្រូវបានបំពាក់ឧបករណ៍តាមដាន GPS ដើម្បីឱ្យក្រុមការងារអភិរក្សអាចតាមដានការផ្លាស់ទីតាំង និងអាកប្បកិរិយារបស់ពួកវា បន្ទាប់ពីការលែងនេះ។ ACCB បានឱ្យដឹងបន្ថែមថា បច្ចុប្បន្ន ចំនួនសត្វត្រយងចង្កំកសនៅទូទាំងពិភពលោក ត្រូវបានប៉ាន់ប្រមាណថា មានប្រមាណ១០០០ក្បាលប៉ុណ្ណោះ ហើយប្រមាណ៩៥ភាគរយនៃចំនួនប្រជាសាស្ត្រសរុប ត្រូវបានគេជឿថា មានវត្តមាននៅភូមិភាគឦសាននៃប្រទេសកម្ពុជា។ ដែនជម្រកសត្វព្រៃសៀមប៉ាង ត្រូវបានចាត់ទុកថា ជាតំបន់ការពារដ៏សំខាន់ និងជាជម្រកចុងក្រោយមួយសម្រាប់សត្វត្រយងប្រភេទនេះ។ ក្នុងរយៈពេលកន្លងមក សត្វត្រយងចង្កំកស បានរងផលប៉ះពាល់យ៉ាងធ្ងន់ធ្ងរពីការបាត់បង់ទីជម្រក និងការបរបាញ់ ដែលធ្វើឱ្យចំនួនប្រជាសាស្ត្ររបស់វាធ្លាក់ចុះយ៉ាងខ្លាំង។ ការលែងសត្វត្រយងទាំង ៦ក្បាលនេះ គឺជាកិច្ចសហការរវាង ACCB និងដៃគូរបស់ខ្លួន គឺក្រុមហ៊ុន Rising Phoenix ដែលបានជួយសាងសង់ទ្រុងបន្សំ និងគ្រប់គ្រងតំបន់អភិរក្សទំហំប្រមាណ ១សែន៣ម៉ឺន៣ពាន់ហិកតា នៅក្នុងដែនជម្រកសត្វព្រៃសៀមប៉ាង។ ក