劳工部于9月21日介入处理新凯利制衣厂管理人员对工人言行不当

ប្រធានផ្នែក និងប្រធានក្រុមនៅរោងចក្រ «ស៊ិន កៃ លី ហ្គាម៉ិន ឯ.ក» ដែលប្រើពាក្យសម្ដី និងកាយវិការមិនសមរម្យលើកម្មករ ត្រូវបានក្រសួងការងារចុះទៅដោះស្រាយ និងចាត់វិធានការភ្លាមៗ នៅថ្ងៃទី២១ ខែកញ្ញា ឆ្នាំ២០២៦។ លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា ក្រុមអធិការកិច្ចបានដាក់កំហិតឱ្យនិយោជកណែនាំអ្នកពាក់ព័ន្ធឱ្យកែតម្រូវអាកប្បកិរិយា និងប្រើពាក្យសម្ដីឱ្យបានសមរម្យ ចំពោះកម្មករនិយោជិត។ អ្នកនាំពាក្យក្រសួងការងារ បានបញ្ជាក់ថា «នៅពេលទទួលបានបណ្ដឹង ក្រសួងបានចុះពិនិត្យ និងចាត់វិធានការភ្លាមៗ។ មិនថាជាជនជាតិខ្មែរ ឬជនបរទេស និងមានតួនាទីកម្រិតណាក៏ដោយ អ្នកគ្រប់គ្រងត្រូវគោរពច្បាប់ ប្រើពាក្យសម្ដីឱ្យបានសមរម្យ និងគោរពសេចក្ដីថ្លៃថ្នូររបស់កម្មករនិយោជិត»។ ប្រសិនបើបងប្អូនកម្មករទទួលការរងការជេរប្រមាថ និងមើលងាយពីអ្នកគ្រប់គ្រងរបស់ខ្លួន សូមផ្តល់ព័ត៌មានមកក្រសួងតាមរយៈលេខ Hotline ១២៨៦ ដើម្បីឱ្យមន្ត្រីជំនាញពិនិត្យ និងចាត់វិធានការបានទាន់ពេលវេលា។