马德望省蒙雷赛县发生未爆弹药爆炸 1名少年重伤

ក្មេងប្រុសម្នាក់រើសគ្រាប់យុទ្ធភ័ណ្ឌមិនទាន់ផ្ទុះដុតលេង បណ្តាលឱ្យរបួសធ្ងន់ នៅស្រុកមោងឫស្សី បាត់ដំបង៖ នៅថ្ងៃទី២៦ ខែឧសភា ឆ្នាំ២០២៦ វេលាម៉ោង១៥:៣០នាទី នៅចំណុចវាលស្រែបឹងទុំយាន ភូមិទួលស្នួល ឃុំឫស្សីក្រាំង ស្រុកមោងឫស្សី ខេត្តបាត់ដំបង មានករណីផ្ទុះគ្រាប់យុទ្ធភ័ណ្ឌមិនទាន់ផ្ទុះ បណ្តាលឱ្យក្មេងប្រុសម្នាក់រងរបួសធ្ងន់។ យោងតាមការស៊ើបអង្កេតរបស់សមត្ថកិច្ច ជនរងគ្រោះឈ្មោះ ឈាន ផៃ ភេទប្រុស អាយុ១៧ឆ្នាំ រស់នៅក្រុមទី១៤ ភូមិទួលស្នួល ឃុំឫស្សីក្រាំង ស្រុកមោងឫស្សី ខេត្តបាត់ដំបង មុខរបរឃ្វាលគោ បានរើសគ្រាប់ប្រភេទ ៦០មីលីម៉ែត្រ យកទៅដុតលេង បណ្តាលឱ្យផ្ទុះ ធ្វើឱ្យជនរងគ្រោះរងរបួសធ្ងន់ បាក់ជើង បាក់ដៃ និងរបួសមុខ។ បច្ចុប្បន្ន សាច់ញាតិបានដឹកជនរងគ្រោះទៅព្យាបាលនៅមន្ទីរពេទ្យ នៅឃុំបឹងខ្នារ ស្រុកបាកាន ខេត្តពោធិ៍សាត់៕