柬埔寨司法部推进刑法修正案 重点修订谋杀罪及量刑标准

នៅទីស្ដីការក្រសួងយុត្តិធម៌៖ នាព្រឹកថ្ងៃព្រហស្បត្តិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦, ឯកឧត្តម ផូវ សំភី សហប្រធាននៃក្រុមការងារបច្ចេកទេសទទួលបន្ទុករៀបចំធ្វើវិសោធនកម្មក្រមព្រហ្មទណ្ឌ បានអញ្ជើញដឹកនាំកិច្ចប្រជុំលើកទី៣៧ របស់ក្រុមការងារបច្ចេកទេស ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាអនុប្រធាន និងសមាជិក សមាជិកានៃក្រុមការងារ។ កិច្ចប្រជុំបានបន្តពិនិត្យ ពិភាក្សា និងកែសម្រួលឡើងវិញលើបទប្បញ្ញត្តិពាក់ព័ន្ធនឹងប្រភេទនៃទោសបន្ថែម ការងារសហគមន៍ របបនៃការប្រកាស និងការរៀបចំចាត់ចែងទោស បទឃាតកម្ម បទឃាតកម្មគិតទុកជាមុន បទឃាតកម្មដោយប្រើថ្នាំពុល បទឃាតកម្មកើតឡើងមុនពេល ក្នុងពេល និងក្រោយពេលមានទារុណកម្ម អំពើឃោរឃៅ ឬអំពើរំលោភសេពសន្ថវៈ ឬអំពើប្លន់ ឬអំពើកំហែងយក ជាអាទិ៍។