英国与柬埔寨深化合作 联合打击网络诈骗窝点

ព្រីតថេន នឹងបន្តរួមគ្នាដាក់សម្ពាធលើបណ្តាញឆបោក និងអ្នកដែលរកផលប្រយោជន៍ពីបណ្តាញទាំងនេះ។ ស្ថានទូតព្រីតថេនប្រចាំនៅកម្ពុជា បានបញ្ជាក់យ៉ាងដូច្នេះ នៅលើទំព័រហ្វេសប៊ុកផ្លូវការរបស់ខ្លួន អំឡុងពេលរដ្ឋមន្ត្រីក្រសួងមហាផ្ទៃព្រីតថេន លោក Lord Hanson ទៅពិនិត្យអតីតទីតាំងប្រតិបត្តិការឆបោកអនឡាញ ដែលមានឈ្មោះថា Golden Fortune ក្នុងខេត្តកណ្ដាល។ ព្រីតថេន និងកម្ពុជាកំពុងធ្វើការយ៉ាងជិតស្និទ្ធ ដើម្បីរារាំងប្រតិបត្តិការឆបោក កំណត់មុខសញ្ញាអ្នករៀបចំ និងអ្នកសម្របសម្រួលនៅពីក្រោយប្រតិបត្តិការទាំងនេះ កាត់ផ្តាច់បណ្តាញហិរញ្ញវត្ថុខុសច្បាប់ និងការពារជនរងគ្រោះ។ បន្ទាប់ពីព្រីតថេនដាក់ទណ្ឌកម្ម និងមានវិធានការពីរដ្ឋាភិបាលកម្ពុជា ពេលនេះទីតាំងនេះត្រូវបានបិទទ្វារ។ Golden Fortune គឺជាឧទាហរណ៍មួយនៃអ្វីដែលអាចសម្រេចបាន នៅពេលប្រទេសនានាធ្វើការរួមគ្នា ដោយមានការប្តេជ្ញាចិត្តរួមគ្នាក្នុងការចាត់វិធានការ។ នៅមានការងារជាច្រើនទៀតដែលត្រូវធ្វើ។ ប៉ុន្តែ យើងប្តេជ្ញាថានឹងធ្វើការងារនេះរួមគ្នា ជាមួយកម្ពុជា ដៃគូអន្តរជាតិរបស់យើង និងប្រជាជននិងសហគមន៍ដែលរងផលប៉ះពាល់ដោយឧក្រិដ្ឋកម្មទាំងនេះ៕