拉塔纳基里省小象“诺埃尔”遭不明人士射箭伤害

កូនដំរី១ក្បាល ត្រូវបានជនអនាមិក«បាញ់ព្រួញ»ក្នុងព្រៃសហគមន៍ ក្នុងស្រុកលំផាត់ ខេត្តរតនគិរី រតនគិរី៖ កូនដំរី ដែលមានឈ្មោះ«ណូអែល» ត្រូវបានប្រទះឃើញឈើបានដោតជាប់ពោះ ត្រូវបានមន្ត្រីជំនាញបញ្ជាក់ថាមិនមែនជាឈើធម្មតាទេ តែគឺជាព្រួញ បាញ់ចំចំនួន២កន្លែង ដោយជនអនាមិក។ បច្ចុប្បន្នកូនដំរីណូអែល ត្រូវបានសង្រ្គោះបឋម និងនាំមកកាន់ទីតាំងដែនជម្រកដំរី អៃរាវត្តា។ បើតាមលោកស្រី ខៃ ចិន្តា ជាប្រធានសមាគមមូលនិធិអភិរក្សដំរីខ្មែរអៃរាវតា្ត បានបញ្ជាក់ថា កាលពីថ្ងៃទី៣១ ខែមីនា ឆ្នាំ២០២៦ វេលាម៉ោង ប្រមាណជា ៤:៣០នាទី រសៀល ហ្មដំរីលោក អ៊ិលអេន បាននាំមេដំរី អ៊ីកែវ និង កូនដំរី ណូអែល ឱ្យទៅស៊ីចំណីក្នុងព្រៃសហគមន៍។ លុះព្រឹកឡើងថ្ងៃទី១ ខែមេសា លោកក៏ទៅយកដំរីទាំង២មកទីតាំងអភិរក្សវិញ នៅពេលទៅដល់លោកបានប្រទះឃើញឈើបានដោតជាប់ពោះកូនដំរីណូអែល។ ហ្នដំរី អ៊ិលអេនបានប្រញាប់ដកឈើនោះ ប៉ុន្តែវាមិនមែនជាឈើធម្មតា វាគឺជាព្រួញ ចំនួន២កន្លែង ដែលបានបាញ់ដោយជនអនាមិក។ អ្នកជំនាញ បានដំណើរការសង្រ្គោះបឋម ព្រមទាំងបាននាំយកមេដំរី អ៊ីកែវ និង កូនដំរី ណូអែល មកកាន់ទីតាំងដែនជម្រកដំរី អៃរាវត្តា។បន្ទាប់ពីការសង្រ្គោះបានចប់រួចរាល់ មន្ត្រីជំនាញបានដាក់ពាក្យបណ្តឹងនៅប៉ុស្តិ៍ នគរបាលរដ្ឋបាល ឃុំល្បាំង ស្រុកលំផាត់។