柬埔寨与新加坡加强媒体合作 联合打击虚假信息传播

[来源: 柬埔寨国家电视台] [分类提示: NEWS] 标题: រដ្ឋមន្ត្រីក្រសួងព័ត៌មាន និងឯកអគ្គរដ្ឋទូតសិង្ហបុរីថ្មីប្រចាំកម្ពុជា ជួបពិភាក្សាគ្នាដើម្បីបន្តពង្រឹងកិច្ចសហប្រតិបត្តិការវិស័យព័ត៌មាន និងរួមគ្នាទប់ស្កាត់ព័ត៌មានក្លែងក្លាយ ភ្នំពេញ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និង Steven PANG Chee Wee ឯកអគ្គរដ្ឋទូតរដ្ឋសិង្ហបុរីថ្មីប្រចាំកម្ពុជា បានបញ្ជាក់ពីជំហររួមគ្នាក្នុងការបន្តពង្រឹង និងពង្រីកកិច្ចសហប្រតិបត្តិការលើវិស័យព័ត៌មាន និងផ្សព្វផ្សាយ ព្រមទាំងរួមគ្នាប្រយុទ្ធប្រឆាំងព័ត៌មានក្លែងក្លាយ ដើម្បីលើកកម្ពស់ការផ្សព្វផ្សាយព័ត៌មានប្រកបដោយគុណភាព តម្លាភាព និងទំនួលខុសត្រូវ។ ការបញ្ជាក់ជំហររួមនេះ បានធ្វើឡើងក្នុងជំនួបសម្តែងការគួរសម និងពិភាក្សាការងារ នៅរសៀលថ្ងៃទី១១ ខែមិថុនា ឆ្នាំ២០២៦ នាទីស្តីការក្រសួងព័ត៌មាន ដោយភាគីទាំងពីរបានផ្លាស់ប្តូរយោបល់លើការពង្រឹងទំនាក់ទំនង និងកិច្ចសហប្រតិបត្តិការទ្វេភាគីលើវិស័យព័ត៌មាន ប្រព័ន្ធផ្សព្វផ្សាយ និងការអភិវឌ្ឍសមត្ថភាពធនធានមនុស្ស។ ក្នុងជំនួបនោះ ឯកឧត្តមរដ្ឋមន្ត្រី នេត្រ ភក្ត្រា និង ឯកឧត្តមឯកអគ្គរដ្ឋទូតសិង្ហបុរីថ្មីប្រចាំកម្ពុជា បានវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងប្រទេសទាំងពីរ កម្ពុជា សិង្ហបុរី ដែលបានរួមចំណែកជំរុញការអភិវឌ្ឍលើវិស័យជាច្រើន រួមទាំងវិស័យព័ត៌មាន និងទំនាក់ទំនងសាធារណៈ។ ភាគីទាំងពីរក៏បានបង្ហាញការប្តេជ្ញាចិត្តក្នុងការបន្តជំរុញការផ្លាស់ប្តូរបទពិសោធន៍ ការចែករំលែកចំណេះដឹង និងបច្ចេកវិទ្យាថ្មីៗ ដើម្បីពង្រឹងប្រសិទ្ធភាពការងារព័ត៌មានឱ្យស្របតាមការវិវត្តនៃបរិបទឌីជីថល។ ជាមួយគ្នានេះ ភាគីទាំងពីរបានគូសបញ្ជាក់ពីសារៈសំខាន់នៃការប្រយុទ្ធប្រឆាំងព័ត៌មានក្លែងក្លាយ និងព័ត៌មានបំភាន់ ដែលកំពុងក្លាយជាបញ្ហាប្រឈមសម្រាប់បណ្តាប្រទេសនានា។ កិច្ចសហការរវាងកម្ពុជា និងសឹង្ហបុរី នឹងផ្តោតលើការលើកកម