柬埔寨青年联合会慰问成员 传递组织关怀

ខ្ញុំបាទសូមគោរពរាយការណ៍អំពីសកម្មភាពរបស់ក្រុមប្រឹក្សាយុវជនគ្រឹះស្ថានឧត្តមសិក្សា (ក.យ.គ.)  គណៈដឹកនាំចលនាយុវជនស្ម័គ្រចិត្ត ស.ស.យ.ក. ប្រចាំគ្រឹះស្ថានឧត្តមសិក្សារដ្ឋនិងឯកជន និងក្រុមការងារយុវជន ស.ស.យ.ក. ប្រចាំគ្រឹះស្ថានឧត្តមសិក្សារដ្ឋនិងឯកជន ប្រចាំថ្ងៃទី១៦ ខែកញ្ញា ឆ្នាំ២០២៦ ដូចខាងក្រោម៖ - ក្រុមការងារយុវជន ស.ស.យ.ក.នៃវិទ្យាស្ថានខ្មែរជំនាន់ថ្មី ដឹកនាំដោយ លោក ហ៊ឹម សុខលាភ ប្រធានសហភាពសហព័ន្ធយុវជនកម្ពុជាប្រចាំវិទ្យាស្ថានខ្មែរជំនាន់ថ្មី និងជាទីប្រឹក្សាក្លឹបយុវជនកាកបាទក្រហមកម្ពុជាប្រចាំវិទ្យាស្ថាន តំណាង ឯកឧត្តមបណ្ឌិត ណុប នរិន្ទ ប្រធានកិត្តិយសក្លឹប បានដឹកនាំក្រុមការងារចុះសួរសុខទុក្ខនិងអបអរសាទរដល់ លោក ម៉ាង ពិសិដ្ឋ និងលោកស្រី ស៊ុន ស្រីនឿន ក្នុងឱកាសសម្រាលបានទារិកាម្នាក់ ឈ្មោះ ពិសិដ្ឋ សិរីមរកត នៅមន្ទីពេទ្យកុមារជាតិ បន្ទប់ P303 ជាន់ទី៣។ ក្នុងឱកាសនេះ ក្រុមការងារបាននាំយកថវិកាចំនួន៥០០ ០០០រៀល (ប្រាំសែនរៀល) ជូនដល់ក្រុមគ្រួសារ ដើម្បីចូលរួមអបអរសាទរ និងបង្ហាញពីការយកចិត្តទុកដាក់ និងស្មារតីចែករំលែកជាមួយសមាជិក។ **ដោយក្ដីគោរពដ៏ខ្ពង់ខ្ពស់។**