商务部召开内部工作会议 强化贸易政策评估与数字化监管

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញដឹកនាំកិច្ចប្រជុំពិភាក្សាការងារជាមួយក្រុមទីប្រឹក្សា និងជំនួយការក្រសួងពាណិជ្ជកម្ម ... (ភ្នំពេញ)៖ នាព្រឹកថ្ងៃអង្គារ ទី២៣ ខែមិថុនា ឆ្នាំ២០២៦ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំពិភាក្សាការងារជាមួយក្រុមទីប្រឹក្សា និងជំនួយការក្រសួងពាណិជ្ជកម្មដែលមានការចូលរួមពី ឯកឧត្តមអគ្គលេខាធិការ ឯកឧត្តមអគ្គនាយក ព្រមទាំងឯកឧត្តម លោកជំទាវ លោក-លោកស្រី ដែលជាទីប្រឹក្សា និងជំនួយការក្រសួងពាណិជ្ជកម្មជាច្រើនរូប។ កិច្ចប្រជុំនេះ ធ្វើឡើងដើម្បីពិនិត្យវឌ្ឍនភាពការងារ និងពង្រឹងប្រសិទ្ធភាពការងាររបស់ក្រុមការងារត្រួតពិនិត្យ និងវាយតម្លៃ (Monitoring and Evaluation - M&E) នៃក្រុមទីប្រឹក្សា និងជំនួយការក្រសួងពាណិជ្ជកម្ម ដែលជាគំនិតផ្តួចផ្តើមថ្មីមួយ សំដៅបង្កើនប្រសិទ្ធភាពការតាមដាន វាយតម្លៃ និងការចូលរួមរៀបចំ តាក់តែង និងពិនិត្យឯកសារគតិយុត្តនានារបស់ក្រសួងពាណិជ្ជកម្ម ឱ្យកាន់តែមានគុណភាព សុក្រឹតភាព និងសុគតិភាពខ្ពស់ ស្របតាមបរិបទនៃការអភិវឌ្ឍសេដ្ឋកិច្ច និងពាណិជ្ជកម្មឌីជីថល។ ជាមួយគ្នានេះ កិច្ចប្រជុំក៏បានគូសបញ្ជាក់ពីសារៈសំខាន់នៃការបង្កើតកាលានុវត្តភាពបន្ថែមសម្រាប់ក្រុមទីប្រឹក្សា និងជំនួយការ ក្នុងការចូលរួមវគ្គបណ្តុះបណ្តាល ការផ្លាស់ប្តូរ និងចែករំលែកចំណេះដឹង ព្រមទាំងការពង្រឹងការអភិវឌ្ឍសមត្ថភាពស្ថាប័ន (Institutional Capacity Building) ឱ្យកាន់តែរឹងមាំ និងមានប្រសិទ្ធភាពខ្ពស់ ដើម្បីគាំទ្រដល់ការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 Facebook 🌐 Telegram 🌐 Website 🌐 YouTube 🌐 X (Twitter)