社会福利部在蒙多基里省举办行政能力提升研讨会

[来源: 柬埔寨国家电视台] [分类提示: NEWS] 标题: សិក្ខាសាលាពង្រឹងសមត្ថភាពមន្ត្រីក្នុងការរៀបចំផែនការ និងរបាយការណ៍ ជូនដល់មន្ត្រីមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានី-ខេត្តទាំង១២ មណ្ឌលគិរី ៖ នាព្រឹកថ្ងៃទី២៤ ខែមិថុនា ឆ្នាំ២០២៦ ឯកឧត្តម ទៀវ សុគន្ធ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាអធិបតី ក្នុងពិធីបើកសិក្ខាសាលាស្តីពី «ការពង្រឹងសមត្ថភាពមន្ត្រីក្នុងការរៀបចំផែនការ និងរបាយការណ៍» ជូនដល់មន្ត្រីមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានី-ខេត្តទាំង១២ ដោយមានការចូលរួមពីលោក ខឹម សុផុន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី រួមទាំងថ្នាក់ដឹកនាំមន្ទីរមកពីរាជធានី-ខេត្តទាំង១២ និងគ្រូបង្គោលជាច្រើនរូប ដែលប្រព្រឹត្តទៅនៅសាលប្រជុំមន្ទីរសង្គមកិច្ចខេត្តមណ្ឌលគិរី។ ឯកឧត្តម ទៀវ សុគន្ធ មានប្រសាសន៍ថា សិក្ខាសាលានេះរៀបចំឡើងក្នុងគោលបំណងពង្រឹង និងពង្រីកសមត្ថភាពបន្ថែមដល់មន្ត្រីរាជការនៅតាមបណ្តារាជធានី-ខេត្ត លើជំនាញបច្ចេកទេសក្នុងការរៀបចំផែនការសកម្មភាព និងការចងក្រងរបាយការណ៍ឱ្យកាន់តែមានប្រសិទ្ធភាព តម្លាភាព និងទាន់ពេលវេលា ដើម្បីឆ្លើយតបទៅនឹងតម្រូវការការងារជាក់ស្តែងរបស់ក្រសួង ក៏ដូចជារាជរដ្ឋាភិបាល។ ឯកឧត្តម បានគូសបញ្ជាក់ថា៖ «ការងាររៀបចំផែនការ និងរបាយការណ៍ គឺជាឆ្អឹងខ្នងនៃការដឹកនាំ និងគ្រប់គ្រងរដ្ឋបាល។ បើផែនការយើងច្បាស់លាស់ របាយការណ៍មានតម្លាភាព នោះការឆ្លើយតបលើការងារអតីតយុទ្ធជន យុវនីតិសម្បទា និងការគាំពារជនងាយរងគ្រោះ នឹងកាន់តែមានប្រសិទ្ធភាពខ្ពស់»។ លោក ខឹម សុផុន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បានឱ្យដឹងថា បច្ចុប្បន្ន ខេត្តមណ្ឌលគិរីមានសមាគមមនុស្សចាស់ដែលបានបង្កើតឡើងចំនួន ២១សមាគម (ស្មើនឹង ២១ឃុំ/សង្កាត់) ប៉ុន្តែមានដំណើរការតែ ០៤សមាគមប៉ុណ្ណោះ ដោយមានសមាជិកសរុប ៣១៦នា