谢丝蕾获评2026年度全球最佳央行行长 获A-评级

អិលអូអិលស៊ី សូមសម្ដែងនូវអំណរសាទរយ៉ាងក្រៃលែងជូនចំពោះ លោកជំទាវបណ្ឌិត ជា សិរី ទេសាភិបាលធនាគារជាតិ នៃកម្ពុជា ក្នុងឱកាសដែលទស្សនាវដ្តីអន្តរជាតិ Global Finance ផ្តល់ចំណាត់ថ្នាក់ A- ជាទេសាភិបាលឆ្នើម ដែលដឹកនាំធនាគារកណ្តាល ប្រកបដោយប្រសិទ្ធភាពប្រចាំ ២០២៦។ ការវាយតម្លៃ Central Banker Cards របស់ទស្សនាវដ្ដី Global Finance ត្រូវបានរៀបចំឡើងជារៀងរាល់ឆ្នាំ ក្នុងគោលបំណងវាយតម្លៃលើប្រសិទ្ធភាពការងាររបស់ថ្នាក់ដឹកនាំធនាគារកណ្តាលប្រមាណ ១០០ ប្រទេសជុំវិញពិភពលោក ក្នុងវិស័យសំខាន់ៗ រួមមាន ស្ថិរភាពរូបិយវត្ថុនិងហិរញ្ញវត្ថុ កំណើនសេដ្ឋកិច្ច ស្ថិរភាពរូបិយប័ណ្ណ និងការគ្រប់គ្រងប្រកបដោយប្រសិទ្ធភាពលើកិច្ចការធនាគារកណ្តាល។ ការទទួលស្គាល់ថ្នាក់អន្តរជាតិនេះ គឺជាការឆ្លុះបញ្ចាំងពីភាពជាអ្នកដឹកនាំដ៏រឹងមាំ ទិសដៅគោលនយោបាយដ៏ត្រឹមត្រូវ​​ និងការប្តេជ្ញាចិត្តជាបន្តបន្ទាប់របស់ លោកជំទាវបណ្ឌិត​ ក្នុងការរក្សាស្ថិរភាពរូបិយវត្ថុ និងហិរញ្ញវត្ថុ ព្រមទាំងគាំទ្រដល់ការអភិវឌ្ឍប្រកបដោយចីរភាពនៃសេដ្ឋកិច្ច និងវិស័យហិរញ្ញវត្ថុកម្ពុជា។ #LOLCCambodia #GlobalFinance #CentralBankerReportCards2026