司法部召开跨部门会议 评估国家发展战略中期执行情况

ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ បានអញ្ជើញដឹកនាំប្រជុំអន្តរសួងកម្រិតនយោបាយ ដើម្បីពិនិត្យនិងពិភាក្សាលើសេចក្តីព្រាងក្របខ័ណ្ឌវាយតម្លៃពាក់កណ្តាលអាណត្តិនៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧ នៃរដ្ឋសភា ==================== ទីស្តីការក្រសួងផែនការ៖ នាព្រឹកថ្ងៃទី២៦ ខែសីហា ឆ្នាំ២០២៦ ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ បានអញ្ជើញដឹកនាំប្រជុំអន្តរក្រសួងកម្រិតនយោបាយ ដើម្បីពិនិត្យ និងពិភាក្សាលើសេចក្តីព្រាងក្របខ័ណ្ឌវាយតម្លៃពាក់កណ្តាលអាណត្តិនៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមអធិបតីភាពដ៏ខ្ពង់ខ្ពស់ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ។ ដោយមានការអញ្ជើញចូលរួមពីឯកឧត្តម លោកជំទាវ ជាថ្នាក់ដឹកនាំ រដ្ឋលេខាធិការ អនុរដ្ឋលេខាធិការ តំណាងក្រសួង ស្ថាប័ននៃរាជរដ្ឋាភិបាលកម្ពុជា។ កិច្ចប្រជុំនេះ ត្រូវបានរៀបចំឡើងដើម្បីពិនិត្យ និងពិភាក្សាលើសេចក្តីព្រាងក្របខ័ណ្ឌវាយតម្លៃពាក់កណ្តាលអាណត្តិនៃការអនុវត្តផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) របស់រាជរដ្ឋាភិបាល នីតិកាលទី៧ នៃរដ្ឋសភា ដើម្បីជាមូលដ្ឋានសម្រាប់រាជរដ្ឋាភិបាលធ្វើការសម្រេចចិត្ត កែសម្រួលទិសដៅ និងដាក់ចេញវិធានការអនុវត្តសម្រាប់ពាក់កណ្តាលអាណត្តិចុងក្រោយ។ ដោយឈរលើមូលដ្ឋាននៃការវាយតម្លៃនេះ រាជរដ្ឋាភិបាលនឹងធ្វើការកែសម្រួលនិងតម្រង់ទិសក្នុងការអនុវត្តគោលនយោបាយសម្រាប់ពាក់កណ្តាលអាណត្តិចុងក្រោយ ដើម្បីធានាថា ការអនុវត្តផ.យ.អ.ជ.មានសង្គតិភាព និងប្រទាក់ក្រឡាគ្នាជាមួយយុទ្ធសាស្ត្របញ្ចកោណ ដំណាក់កាលទី១ ផែនការអភិវឌ្ឍតាមវិស័យ គោលដៅអភិវឌ្ឍន៍ប្រកបដោយចីរភាពកម្ពុជា និងបរិបទសង្គម សេដ្ឋកិច្ចដែលកំពុងផ្លាស់ប្តូរ។