柬埔寨司法部官员出席日本JDS奖学金欢送会 助力人才培养

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញចូលរួមក្នុងកម្មវិធី send-off reception សម្រាប់និស្សិតជ័យលាភីអាហារូបករណ៍ជប៉ុន JDS ថ្នាក់បរិញ្ញាបត្រជាន់ខ្ពស់ជំនាន់ទី២៦ និងថ្នាក់បណ្ឌិតជំនាន់ទី៩ ==================== នារសៀលថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញចូលរួមក្នុងកម្មវិធី send-off reception សម្រាប់និសិ្សតជ័យលាភីអាហារូបករណ៍ជប៉ុន JDS ថ្នាក់បរិញ្ញាបត្រជាន់ខ្ពស់ជំនាន់ទី២៦ និងថ្នាក់បណ្ឌិត ជំនាន់ទី៩ ដែលរៀបចំឡើងនៅស្ថានទូតជប៉ុន មុននឹងចេញទៅបន្តការសិក្សានៅប្រទេសជប៉ុនក្នុងពេលឆាប់ៗនេះ។ ក្នុងកម្មវិធីនេះ ឯកឧត្តមរដ្ឋលេខាធិការប្រចាំការ ក្នុងនាមជាអតីតនិស្សិត JDS ដែលបានបញ្ចប់ការសិក្សាថ្នាក់អនុបណ្ឌិតវិទ្យាសាស្រ្តនយោបាយពីប្រទេសជប៉ុនកាលពីជាង ២០ ឆ្នាំមុន បានថ្លែងនូវចំណាប់អារម្មណ៍ ក៏ដូចជាអបអរសាទរយ៉ាងកក់ក្តៅ និងបានចែករំលែកនូវបទពិសោធន៍ផ្ទាល់ខ្លួនក្នុងនាមជាអតីតនិស្សិត JDS មួយរូប ព្រមទាំងបានផ្តល់នូវអនុសាសន៍ និងការផ្តាំផ្ញើសំខាន់ៗជូនដល់និសិ្សតជ័យលាភីទាំងអស់ ដែលនឹងត្រូវធ្វើដំណើរទៅបន្តការសិក្សានៅប្រទេសជប៉ុននាពេលខាងមុខ។ កម្មវិធីនេះ មានការអញ្ជើញចូលរួមដោយ លោក** NAGASE Kensuke** ភារធារីស្តីទី នៃស្ថានទូតជប៉ុនប្រចាំព្រះរាជាណាចក្រកម្ពុជា, ឯកឧត្តមបណ្ឌិត សោម រតនា អនុរដ្ឋលេខាធិការ នៃក្រសួងអប់រំ យុវជន និងកីឡា, តំណាងអង្គការ JICA ប្រចាំកម្ពុជា, តំណាងសមាគមអតីតនិស្សិត JDS ព្រមទាំងនិសិ្សតជ័យលាភីអាហារូបករណ៍ JDS ផងដែរ។