国家警察总署署长慰问第五军区边防部队

អគ្គស្នងការនគរបាលជាតិអញ្ជើញចុះសួរសុខទុក្ខកងកម្លាំងការពារព្រំដែន ទិសភូមិភាគទី៥ ក្នុងឱកាសបុណ្យចូលឆ្នាំថ្មី ខេត្តពោធិ៍សាត់ៈ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញចុះជួបសំណេះសំណាល និងសួរសុខទុក្ខផ្ទាល់ដល់កងកម្លាំងនគរបាលការពារព្រំដែន ប្រចាំទិសភូមិភាគទី៥ ដើម្បីលើកទឹកចិត្តដល់ស្មារតីលះបង់របស់កងកម្លាំងដែលកំពុងឈរជើងបំពេញភារកិច្ចការពារបូរណភាពទឹកដី។ ក្នុងពិធីសំណេះសំណាលនេះ ក៏មានការចូលរួមពី ឯកឧត្តម ឧត្តមសេនីយ៍ឯក លៀង ភារម្យ ប្រធាននាយកដ្ឋានកណ្តាលព្រំដែន ដែលបានអានរបាយការណ៍ស្វាគមន៍ និងជម្រាបជូនអំពីស្ថានភាពទូទៅនៃកិច្ចប្រតិបត្តិការការពារសន្តិសុខតាមខ្សែបន្ទាត់ព្រំដែន។ ក្រៅពីនេះ ក៏មានការអមដំណើរដោយឯកឧត្តម ឧត្តមសេនីយ៍ ប្រតិភូជាន់ខ្ពស់ លោកឧត្តមសេនីយ៍ វរសេនីយ៍ ជាស្នងការរងនៃស្នងការដ្ឋាននគរបាលខេត្តពោធិ៍សាត់ ព្រមទាំងមន្ត្រីពាក់ព័ន្ធជាច្រើនរូបទៀត។ ដើម្បីជាការតបស្នងនូវគុណូបការៈ និងការនឿយហត់របស់កងកម្លាំង ឯកឧត្តម នាយឧត្តមសេនីយ៍ អគ្គស្នងការ បាននាំយកនូវអំណោយជាថវិកា និងសម្ភារៈឧបត្ថម្ភដ៏ថ្លៃថ្លា ចែកជូនដល់អង្គភាពនានា រួមមានវរៈសេនាតូចនគរបាលការពារព្រំដែនចំនួន ២វរៈ បញ្ជាការដ្ឋានកងរាជអាវុធហត្ថខេត្ត តំបន់ប្រតិបត្តិការសឹករងខេត្ត វរៈសេនាតូចការពារព្រំដែនចំនួន ៣ ផ្សេងទៀត។ អំណោយដែលបានប្រគល់ជូនរួមមាន៖ ថវិកាលើកទឹកចិត្ត សម្ភារៈប្រើប្រាស់ប្រចាំថ្ងៃ និងគ្រឿងឧបភោគបរិភោគចាំបាច់ជាច្រើនមុខ ដើម្បីសម្រួលដល់ការរស់នៅ និងការរៀបចំពិធីអបអរសាទរឆ្នាំថ្មីនៅក្នុងអង្គភាព។ មានប្រសាសន៍ផ្តាំផ្ញើ និងសួរសុខទុក្ខ ឯកឧត្តម នាយឧត្តមសេនីយ៍ ស ថេត បានថ្លែងនូវការកោតសរសើរដោយស្មោះចំពោះវីរភាព និងការលះបង់ខ្ពស់របស់បងប្អូនកងកម្លាំងប្រដាប់អាវុធទាំងអស់ ដែលបានខិតខំការពារសន្តិសុខ សណ្តាប់ធ្នាប់ និងស្ថិរភាពនៅតាមព្រំដែនយ៉ាងរឹងមាំ ទោះជាក្នុងកាលៈទេសៈណាក៏ដោយ។ ឯកឧត្តមបានបញ្ជាក់ថា ការចុះសួរសុខទុក្ខនេះ គឺជាការបង្ហាញពីការយកចិត្តទុកដាក់ខ្ពស់ពីសំណាក់ថ្នាក់ដឹកនាំ ចំពោះសុខទុក្ខ និងជីវភាពរស់នៅរបស់មន្ត្រីក្រោមឱវាទ ជាពិសេសនៅកន្លែងដាច់ស្រយាល។ ឆ្លៀតក្នុងឱកាសនោះ ឯកឧត្តម ក៏បានជូនពរដល់កងកម្លាំងទាំងអស់ ឱ្យទទួលបាននូវសុខភាពល្អបរិបូរណ៍ និងទទួលបានជោគជ័យគ្រប់ភារកិច្ច ដើម្បីជាសេចក្តីសុខរបស់ប្រជាពលរដ្ឋ និងប្រទេសជាតិទាំងមូល ក្នុងឱកាសបុណ្យចូលឆ្នាំថ្មីខាងមុខនេះ។ ពិធីនេះបានបញ្ចប់ទៅក្រោមបរិយាកាសស្និទ្ធស្នាល និងពោរពេញដោយភាពកក់ក្តៅបំផុត រវាងថ្នាក់ដឹកនាំ និងកងកម្លាំងជួរមុខ៕ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សេងៗ 0717095001 @NGINSOKHUN