柬埔寨庆祝独立73周年 11月9日金边举行皇家庆典

អបអរសាទរខួបអនុស្សាវរីយ៍លើកទី៧៣ នៃទិវាបុណ្យឯករាជ្យជាតិ ៩ វិច្ចិកា និងទិវាកំណើត នៃកងយោធពលខេមរភូមិន្ទ🇰🇭 ទិវាបុណ្យឯករាជ្យជាតិ ៩ វិច្ឆិកា បានរំឭកពីព្រះរាជបេសកកម្មររបស់ព្រះករុណាព្រះបាទសម្តេចព្រះបរមនាថ នរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ក្នុងការតស៊ូក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យភាពជូនជាតិ និងប្រជាជនរបស់ព្រះអង្គ។ ទន្ទឹមគ្នានេះផងដែរ ថ្ងៃទី ០៩ វិច្ឆិកា ក៏ជាថ្ងៃរំឭកដល់សមិទ្ធផលដ៏ធំធេងរបស់កងយោធពលខេមរភូមិន្ទដែលសម្រេចបានកន្លងមក ក្នុងកិច្ចការពារជាតិមាតុភូមិ ដោយដង្ហែតាមគម្រូព្រះវីរភាពដ៏ថ្លៃថ្លារបស់ព្រះវីររាជបិតាជាតិ និងអនុវត្តបានយ៉ាងខ្ជាប់ខ្ជួននូវបទបញ្ជារបស់ថ្នាក់ដឹកនាំ ប្រកបដោយភាពអង់អាចក្លាហាន់ តស៊ូ ប្តូរផ្តាច់ ហ៊ានធ្វើពលិកម្មគ្រប់បែបយ៉ាង ដើម្បីប្រយុទ្ធការពារឯករាជ្យភាព និងបូរណភាពទឹកដី រួមទាំងភាពសុខក្សេមក្សាន្តរបស់ប្រជាជាតិកម្ពុជា។