洪森严厉批评反腐败局官员 严查榴莲产地虚假宣传

សម្តេចតេជោ ហ៊ុន សែន បានបន្ទោសទៅកាន់មន្ត្រីត្រួតពិនិត្យ (ក.ប.ប បាត់ដំបង) ដែលចេញមកអះអាងថា ជាទុរេនខេត្តកំពង់ចាមនាំចូលទៅបាត់ដំបង។ សម្តេចបញ្ជាក់ថា សម្តេចជាអ្នកខេត្តកំពង់ចាម គឺទុរេនកំពង់ចាមមិនទាន់មានលទ្ធភាពផ្គត់ផ្គង់ដោយខេត្តបាត់ដំបងទេ យ៉ាងច្រើនមានក្នុងខេត្តកំពង់ចាម និងមកដល់ភ្នំពេញប៉ុណ្ណោះ។ មហាជនរួមទាំងសម្តេចមិនទាន់អស់ចិត្តចំពោះមន្ត្រីដែលប្រកាសថាជាទុរេនកំពង់ចាមនោះ បានជាប់វិន័យហើយនៅ? ខណៈអ្នកនាំចូលនោះបានសារភាពហើយ សម្តេចបានឲ្យសួរទៅកាន់រដ្ឋមន្ត្រីក្រសួងពាណិជ្ជកម្មចំពោះមន្ត្រី ក.ប.ប ផងដែរថា តើមានចំណាត់ការបែបណា? សម្តេចតេជោបានសង្កត់ធ្ងន់ថា នេះគឺវាទាក់ទងនឹងសុវត្ថិភាពរបស់អ្នកប្រើប្រាស់។ ថ្លែងចេញពីខេត្តស្វាយរៀងក្នុងពិធីសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនៃខេត្តស្វាយរៀង សម្តេចតេជោ បានណែនាំថា សូមកុំឲ្យខេត្តស្វាយរៀងមានមន្ត្រីធុនហ្នឹងឲ្យសោះ ហើយនេះក៏ជាសារព្រមានទៅកាន់មន្ត្រីផ្សេងទៀតផងដែរ។ ស្វាយរៀង ថ្ងៃទី១៤ ខែឧសភា ឆ្នាំ២០២៦ [Website](https://www.btv.com.kh/) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)