总理特使金蒙诺维雅会见法国驻柬大使奥利维耶·里夏，就边境问题

លោកស្រី កឹម មនោវិទ្យា បន្តជួបទូតបារាំង ជជែករឿងព្រំដែន ក្រោយជួបទូតសហភាពអឺរ៉ុប អង់គ្លេស និងអាមេរិក ឯកអគ្គរដ្ឋទូតបារាំងប្រចាំកម្ពុជា លោក អូលីវីយេ រីស្ហា បានទទួលជួបពិភាក្សាការងារជាមួយប្រេសិតពិសេសរបស់នាយករដ្ឋមន្ត្រី លោកស្រី កឹម មនោវិទ្យា អំពីមុខតំណែងថ្មីជាប្រេសិតពិសេស រួមទាំងការដោះស្រាយបញ្ហាព្រំដែនកម្ពុជា-ថៃ។ ស្ថានទូតបារាំងប្រចាំកម្ពុជា ផ្សព្វផ្សាយលើទំព័រហ្វេសប៊ុកផ្លូវការ នាថ្ងៃទី៤ ខែកញ្ញា នេះ។ គួរកត់សម្គាល់ថា នេះគឺជាលើកទី ៤ ហើយ ដែលលោកស្រីកឹម មនោវិទ្យា ក្នុងឋានៈជាប្រេសិតពិសេសរបស់នាយករដ្ឋមន្ត្រីកម្ពុជា បានទទួលជួបពិភាក្សាជាមួយអង្គទូតបរទេស ក្នុងនោះជំនួបលើកទីមួយគឺលោកស្រី បានជួបជាមួយឯកអគ្គរដ្ឋទូតសហភាពអឺរ៉ុប Igor Driesmans និងលើកទី២ ជួបជាមួយឯកអគ្គរាជទូតអង់គ្លេសប្រចាំកម្ពុជា លោក Dominic និងលើកទី៣ ជួបជាមួយភារធារីនៃស្ថានទូតអាមេរិកប្រចាំកម្ពុជាលោកស្រី Aleks Zittle។ គ្រប់ជំនួបគឺ ផ្ដោតលើបញ្ហាព្រំដែនកម្ពុជា-ថៃនិង ការវិនិយោគ៕ ដោយ/ ង៉ិល ណារ៉ាត់