柬埔寨勋爵协会高层变动 洪拉获任副主席

«លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ផ្ញើសារជូនពរ និងកោតសរសើរចំពោះ អ្នកឧកញ៉ា ហ៊ុន ឡាក់ ក្នុងឱកាសដែលត្រូវបានដំឡើងឋានៈ និងតែងតាំងជា អនុប្រធានក្រុមប្រឹក្សាភិបាល នៃសមាគមឧកញ៉ាកម្ពុជា» លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានផ្ញើសារជូនពរ អបអរសាទរ និងកោតសរសើរចំពោះ អ្នកឧកញ៉ា ហ៊ុន ឡាក់ ឱកាសដែលត្រូវបានដំឡើងឋានៈ និងតែងតាំងជា អនុប្រធានក្រុមប្រឹក្សាភិបាល នៃសមាគមឧកញ៉ាកម្ពុជា។ លោកអ្នកឧកញ៉ាប្រធានបានគូសបញ្ជាក់ថា៖ «ខ្ញុំ សូមអបអរសាទរ អ្នកឧកញ៉ា ហ៊ុន ឡាក់ ចំពោះការទទួលបានការទុកចិត្តពីក្រុមប្រឹក្សាភិបាល និងត្រូវបានក្រុមប្រឹក្សាភិបាលបោះឆ្នោតដំឡើងឋានៈ និងតែងតាំងពី អគ្គលេខាធិការ ទៅជា អនុប្រធានក្រុមប្រឹក្សាភិបាល នៃសមាគមឧកញ៉ាកម្ពុជា ក្នុងកិច្ចប្រជុំក្រុមប្រឹក្សាភិបាលពេញអង្គ លើកទី១១ អាណត្តិទី១ ឆ្នាំ២០២៦ នាពេលថ្មីៗនេះ។» ជាពិសេស លោកអ្នកឧកញ៉ា លី យ៉ុងផាត់ បានសង្កត់ធ្ងន់ថា៖ «ខ្ញុំ សូមកោតសរសើរ និងវាយតម្លៃខ្ពស់ចំពោះ អ្នកឧកញ៉ា ហ៊ុន ឡាក់ ដែលបានលះបង់ពេលវេលា ទ្រព្យធនផ្ទាល់ខ្លួន និងខិតខំប្រឹងប្រែងក្នុងការចូលរួមរៀបចំចាត់ចែង បង្កើតសមាគមឧកញ៉ាជាមួយខ្ញុំរួមនឹងសហស្ថាបនិកផ្សេងទៀត និងបានតាក់តែងរាល់ឯកសារនានារបស់សមាគម ព្រមទាំងបានបម្រើគ្រប់រាល់សកម្មភាពនានា និងកិច្ចការងារសង្គមរបស់សមាគមចាប់តាំងពីថ្ងៃដំបូងរហូតមករហូតពេលនេះ និងបន្តទៅថ្ងៃអនាគត។ ជាមួយគ្នានេះ លោកអ្នកឧកញ៉ាប្រធានក៏បានជូនពរអ្នកឧកញ៉ា ហ៊ុន ឡាក់ សូមទទួលបាននូវសេចក្តីសុខ សុភមង្គល និងជោគជ័យរាល់ភារកិច្ចបន្ថែមទៀតសម្រាប់តួនាទីថ្មីនេះដើម្បីជាប្រយោជន៍ដល់សមាជិកទាំងអស់ និងសមាគមឧកញ៉ាកម្ពុជាផងដែរ។