洪玛尼慰问实居省基层警员 强调基层治安服务重要性

🔴 ក្រុមការងារឃុំដំណាក់រាំងនាំយកការសួរសុខទុក្ខ និងក្តីនឹករលឹករបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី ជូនលោកមេប៉ុស្តិ៍ឃុំដំណាក់រាំង ដែលកំពុងសម្រាកព្យាបាលជំងឺនៅគេហដ្ឋាន ======= ខេត្តកំពង់ស្ពឺ៖ នៅល្ងាចថ្ងៃព្រហស្បតិ៍ ១០ រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ ខ្ញុំបានដឹកនាំក្រុមការងារគណបក្សចុះមូលដ្ឋានឃុំដំណាក់រាំង អញ្ជើញចុះសួរសុខទុក្ខលោក ប៉ុល ញ៉ញ មេប៉ុស្តិ៍នគរបាលរដ្ឋបាលឃុំដំណាក់រាំង ដែលកំពុងសម្រាកព្យាបាលជំងឺនៅគេហដ្ឋាន ស្ថិតក្នុងភូមិពីងពង់ ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។ ក្នុងឱកាសនោះ ក្រុមការងារបានពាំនាំនូវការផ្តាំផ្ញើសួរសុខទុក្ខ ក្តីនឹករលឹក និងការជូនពរពី ឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ និង ឯកឧត្តមបណ្ឌិត អ៊ុក កោសា ប្រធានក្រុមការងារគណបក្សចុះមូលដ្ឋានស្រុកសាមគ្គីមុនីជ័យ ដោយបានជូនពរឱ្យលោក ប៉ុល ញ៉ញ ឆាប់បានជាសះស្បើយ មានសុខភាពរឹងមាំ និងវិលត្រឡប់មកបំពេញភារកិច្ចបម្រើប្រជាពលរដ្ឋវិញក្នុងពេលឆាប់ៗខាងមុខ។ ជាមួយគ្នានេះ ក្រុមការងារក៏បានលើកទឹកចិត្តដល់លោក និងក្រុមគ្រួសារ ឱ្យបន្តថែរក្សាសុខភាព យកចិត្តទុកដាក់តាមការណែនាំរបស់ក្រុមគ្រូពេទ្យ និងរក្សាស្មារតីរឹងមាំ ដើម្បីឆាប់ជាសះស្បើយ។ ការចុះសួរសុខទុក្ខនេះ បានបង្ហាញពីការយកចិត្តទុកដាក់ និងស្មារតីរួមសុខរួមទុក្ខរបស់ថ្នាក់ដឹកនាំ និងក្រុមការងារចំពោះមន្ត្រីនៅមូលដ្ឋាន ដែលតែងតែបំពេញភារកិច្ចថែរក្សាសន្តិសុខ សណ្តាប់ធ្នាប់ និងបម្រើប្រជាពលរដ្ឋដោយការទទួលខុសត្រូវខ្ពស់។ នេះក៏ជាការឆ្លុះបញ្ចាំងពីវប្បធម៌នៃការយកចិត្តទុកដាក់ចំពោះសុខទុក្ខរបស់មន្ត្រី និងការពង្រឹងសាមគ្គីភាពក្នុងមហាគ្រួសារគណបក្ស និងអាជ្ញាធរមូលដ្ឋានផងដែរ។