法国推动法柬直航 旨在促进旅游与投资往来

បារាំងចង់ឃើញមានជើងហោះហើរផ្ទាល់មកកម្ពុជា ដើម្បីជំរុញវិស័យទេសចរណ៍ លោក នីកូឡា ហ្វ័ររីស្យេ រដ្ឋមន្ត្រីប្រតិភូអមរដ្ឋមន្ត្រីក្រសួងអឺរ៉ុប និងការបរទេសបារាំង ទទួលបន្ទុកពាណិជ្ជកម្មបរទេស និងការទាក់ទាញវិនិយោគ បានបង្ហាញបំណងចង់ឃើញក្រុមហ៊ុនអាកាសចរណ៍បារាំងបើកជើងហោះហើរផ្ទាល់មកកាន់ប្រទេសកម្ពុជា ដើម្បីសម្រួលដល់ការធ្វើដំណើររបស់ភ្ញៀវទេសចរ និងជំរុញវិស័យទេសចរណ៍រវាងប្រទេសទាំងពីរ។ ទោះជាយ៉ាងណា លោកបានបញ្ជាក់ថា ការតភ្ជាប់ជើងហោះហើរផ្ទាល់មិនអាចអនុវត្តបានភ្លាមៗនោះទេ ដោយត្រូវអនុវត្តជាជំហានៗ និងឆ្លងកាត់ការសិក្សាលម្អិតពីលទ្ធភាពពាណិជ្ជកម្ម។ លោកបន្ថែមថា ក្រុមហ៊ុនអាកាសចរណ៍ត្រូវវាយតម្លៃជាមុនថា តើជើងហោះហើរនេះអាចផ្តល់ផលចំណេញ និងអាចដំណើរការបានប្រកបដោយប្រសិទ្ធភាពដែរឬទេ មុននឹងសម្រេចបង្កើតជើងហោះហើរផ្ទាល់។