柬埔寨商务部出席全球物流论坛 探讨物流新版图

ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម អញ្ជើញចូលរួមជាវាគ្មិនក្នុងកិច្ចពិភាក្សា ស្តីពី «The New Map of Global Logistics» ដែលរៀបចំដោយក្រុមហ៊ុនភស្តុភារកម្មរុស្ស៊ី (FESCO) ... (វ្ល៉ាឌីវ៉ូស្តុក, សហព័ន្ធរុស្ស៊ី)៖ នាព្រឹក ថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមជាវាគ្មិនក្នុងកិច្ចពិភាក្សា ស្តីពី «The New Map of Global Logistics» ដែលរៀបចំដោយក្រុមហ៊ុនភស្តុភារកម្មរុស្ស៊ី (FESCO) ក្នុងឱកាសនៃការអញ្ជើញចូលរួមក្នុងវេទិកាសេដ្ឋកិច្ចបូព៌ា លើកទី១១ (11th Eastern Economic Forum)។ កិច្ចពិភាក្សានោះបានរំលេចថា វិស័យភស្តុភារកម្មសកលកំពុងមានការផ្លាស់ប្តូរយ៉ាងសំខាន់ ដោយមជ្ឈមណ្ឌលពាណិជ្ជកម្មកំពុងផ្លាស់ប្តូរទៅកាន់ទីផ្សារដែលមានកំណើនលឿន ហើយអាស៊ីអាគ្នេយ៍កំពុងក្លាយជាមជ្ឈមណ្ឌលសំខាន់សម្រាប់ផលិតកម្ម ពាណិជ្ជកម្ម និងខ្សែច្រវាក់ផ្គត់ផ្គង់ថ្មីៗ។ សម្រាប់រុស្ស៊ី ការផ្លាស់ប្តូរនេះបង្កើតឱកាសក្នុងការកសាងប្រព័ន្ធភស្តុភារកម្មអន្តរជាតិប្រកបដោយអធិបតេយ្យភាព ពង្រឹងសេវាដឹកជញ្ជូន និងពង្រីកភាពជាដៃគូជាមួយបណ្តាប្រទេសនៅអាស៊ីអាគ្នេយ៍ តាមរយៈការអភិវឌ្ឍហេដ្ឋារចនាសម្ព័ន្ធ និងសេវាភស្តុភារកម្មនៅកំពង់ផែតំបន់ចុងបូព៌ារបស់រុស្ស៊ី។ បញ្ហាសំខាន់ៗរួមមាន៖ ការសម្របខ្លួនរបស់រុស្ស៊ីទៅនឹងផ្លូវពាណិជ្ជកម្មដែលកំពុងផ្លាស់ប្តូរ ការពង្រឹងតួនាទីក្នុងរចនាសម្ព័ន្ធភស្តុភារកម្មសកល និងការគាំទ្រពីរដ្ឋសម្រាប់ការអភិវឌ្ឍសមត្ថភាពភស្តុភារកម្មតាមផ្លូវសមុទ្រប្រកបដោយអធិបតេយ្យភាព៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))