金边警方整治未成年人不良网络行为 涉事者被教育

ប៉ូលិសនាំខ្លួនក្មេងតូចៗចំនួន០២នាក់មកធ្វើការអប់រំណែនាំ បន្ទាប់ពីបានប្រើពាក្យសម្តីមិនសមរម្យមានលក្ខណៈចង់បង្កហេតុឱ្យមានអំពើហិង្សា ករណីអនិតិជនចំនួន០២នាក់ដែលនៅពេលថ្មឺៗនេះ មានការបង្ហោះផ្សព្វផ្សាយនូវសកម្មភាពមិនគម្បីរបស់ពួកគេនៅក្នុងបណ្តាញសង្គម នាំឱ្យរងការរិះគន់ពីមហាជនអ្នកលេងបណ្តាញសង្គម ករណីទី១: ក្មេងចាក់សាក់អួតបង្ហាញដើម្បីទាក់ទាញចំណាប់អារម្មណ៍ ដែលនាំឱ្យមានការរិះគន់ជាខ្លាំងពីមហាជន និងករណីទី២: តាំងខ្លួនដូចក្មេងទំនើងដោយប្រើពាក្យសម្តីមិនសមរម្យមានលក្ខណៈចង់បង្កហេតុឱ្យមានអំពើហិង្សា ត្រូវបានសមត្ថកិច្ចស្រាវជ្រាវ និងនាំយកមកអប់រំណែនាំ នៅពេលថ្មីៗនេះ កម្លាំងជំនាញនគរបាលព្រហ្មទណ្ឌរាជធានីភ្នំពេញ សហការជាមួយ កម្លាំងប៉ុស្តិ៍នគរបាលរដ្ឋបាលផ្សារកណ្តាលទី១ នៃអធិការដ្ឋាននគរបាលខណ្ឌដូនពេញ និងកម្លាំងអធិការដ្ឋាននគរបាលខណ្ឌពោធិ៍សែនជ័យ បានធ្វើការស្រាវជ្រាវ និងនាំក្មេងតូចៗចំនួន០២នាក់ដោយម្នាក់រស់នៅខណ្ឌថូនពេញ និងម្នាក់ទៀតនៅខណ្ឌពោធិ៍សែនជ័យ មកកន្លែងសមត្ថកិច្ច និងអញ្ជើញអាណាព្យាបាលដើម្បីធ្វើការអប់រំណែនាំ ឱ្យបញ្ឈប់សកម្មភាពកូនរបស់ខ្លួន ដែលមើលទៅខ្វះសីលធម៌ និងខ្វះការអប់រំពីអាណាព្យាបាល បណ្តែតបណ្តោយឱ្យកូនៗខាងលើ ជាអនីតិជន ប្រើប្រាស់កាយវិកា ពាក្យសម្តីមិនសមរម្យ ដូចជាក្មេងទំនើង បង្ហោះតាមបណ្តាញសង្គម ជាទង្វើគ្មានសីលធម៌ដែលសង្គមស្ពប់ខ្ពើម។ ក្រោយពីសមត្ថកិច្ចសួរនាំ និងធ្វើកំណត់ហេតុរួចរាល់ បន្ទាប់មកសមត្ថកិច្ចបានធ្វើកិច្ចសន្យាប្រគល់ឱ្យអាណាព្យាបាលដើម្បីធានានាំយកក្មេងៗទាំង០២នាក់ទៅអប់រំបន្ត ឱ្យកែប្រែពួកគេជាក្មេងល្អនៅក្នុងសង្គម សមត្ថកិច្ចក៏បានអនុញ្ញាតឱ្យពួកគេត្រឡប់ទៅផ្ទះវិញ៕ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN