金边“诺哥宋干”活动首日吸引近百万游客

អ្នកនាំពាក្យសាលារាជធានីភ្នំពេញ បានឱ្យដឹងថា នៅថ្ងៃម្សិលមិញនេះ មានប្រជាពលរដ្ឋ និងទេសចរបរទេស សរុបជិត ១លាននាក់ បានមកលេងកម្សាន្តនៅរាជធានីភ្នំពេញ ជាពិសេសក្នុងព្រឹត្តិការណ៍នគរសង្ក្រាន្ត លោកស្រី ដោ សម្ផស្ស អ្នកនាំពាក្យសាលារាជធានីភ្នំពេញ បានថ្លែងប្រាប់អ្នកសារព័ត៌មានឱ្យដឹងថា សម្រាប់ថ្ងៃទី១៤ ខែមេសា ឆ្នាំ២០២៦ គិតត្រឹមម៉ោង ៩យប់ មានប្រជាពលរដ្ឋដើរលេងកម្សាន្ត វិលល្ងាច សរុបចំនួន ៩៨៣ ០៨០នាក់ និងទេសចរបរទេស ៧០៦៨នាក់ បានមកលេងកម្សាន្តនៅទីតាំងទាំង ៦ នៃព្រឹត្តិការណ៍នគរសង្រ្កាន្ត និងតាមបណ្តាខណ្ឌនានា។ សូមបញ្ជាក់ថា ព្រឹត្តិការណ៍នគរសង្រ្កាន្ត បានចាប់ផ្តើមនៅថ្ងៃទី១៤ ខែមេសាម្សិលមិញនេះ ដែលមានរយៈពេល ៦ថ្ងៃ ពោលគឺនឹងបញ្ចប់នៅថ្ងៃទី១៩ ខែមេសា។ ព្រឹត្តិការណ៍នេះ ជាការផ្សារភ្ជាប់វប្បធម៌ សាសនា ជាពិសេសពង្រឹងស្មារតីខ្មែរ និងជំរុញសេដ្ឋកិច្ចជាតិផងដែរ។